Carlota Sánchez, xogadora do Deportivo ABANCA está convocada para uns adestramentos coa Selección Española sub-19, que terán lugar desde hoxe luns 17 ao mércores 19 na Cidade do Fútbol de Las Rozas (Madrid).
A xogadora coruñesa, toma a testemuña das súas compañeiras do primeiro equipo Teresa Abelleira, Nuria Rábano ou María Méndez coas que compartiu uns minutos o pasado domingo no partido de Liga fronte o Rayo Vallecano. Carlota non ten competición co Deportivo ABANCA B, con parón ligueiro ata o vindeiro domingo 1 de marzo e poderá centrarse coa Selección Española su19.
Con todo, Carlota foi convocada polo Dépor ABANCA para o seu partido de onte ante o Rayo Vallecano en Madrid. A atacante branquiazul saltou ao céspede no minuto 83 en substitución de Carolina Arbeláez.
Ademais dela, outras canteirás branquiazuis habituais nas convocatorias das categorías inferiores da selección española son Sara Álvarez ou Nuria Torres, que en este caso non foron convocadas polo seleccionador Pedro López.
