A galega Alicia Fernández, que milita no SCM Ramnicu Valcea, volve a estar na lista de convocadas por Carlos Viver. A de Valdoviño é xa unha das fixas nas Guerreras e semella ter a confianza do seleccionador da absoluta española de balonmán.
Nesta última convocatoria a representación con tintes galegos vai máis aló xa que tamén estará xogadora do Atlético Guardés, Paula Arcos, así como do adestrador do conxunto da Guarda, José Ignacio Prades, que figura como segundo de Viver. As novidades nesta cita son precisamente Paula Arcos, Wiggins e Sobrepera, as tres, representantes da Xeración 2000/2001
A convocatoria da Selección Española é, nesta oportunidade, para a disputa de dous compromisos amigables ante a Selección de Dinamarca que terán lugar os días 15 e 17 de abril. Ambos os dous encontros terán lugar no Frederiksborg Centre de Hillerød.
Portaría
- Silvia Navarro (Rocasa Gran Canaria)
- Nicole Wiggins (KH-7 Granollers)
Centrais
- Silvia Arderius (Rincón Fertilidad Málaga)
- Alicia Fernández (SCM Ramnicu Valcea)
Laterais dereitas
- Irene Espínola (Neckarsulmer)
- Paula Arcos (Atlético Guardés)
- Mireya González (SCM Ramnicu Valcea)
Laterais esquerdas
- Janna Sobrepera (KH-7 Granollers)
- Lara González (É Besançon)
Extremos dereitas
- Marta López (SCM Ramnicu Valcea)
- Carmen Martín (CSM Bucaresti)
Extremos esquerdas
- Jénnifer Gutiérrez (BVB Borussia Dortmund)
- Soledad López (Rincón Fertilidad Málaga)
Pivotes
- Eli Cesáreo (Super Amase Bera Bera)
- Ainhoa Hernández (Zubileta Evolution Zuazo)
- Lysa Tchaptchet (Elche visitelche.com)
Carlos Viver citou ás internacionais españolas directamente no Aeroporto de Copenhague o 12 de abril, para desde alí desprazarse por estrada até Hillerød, localidade na que está previsto que se desenvolva a actividade.
O preparador español apunta que “todo o tempo que pasemos concentradas é positivo, é tempo de traballo, unha semana en Dinamarca con dous partidos ante o combinado danés é unha experiencia valiosa que acumularán algunhas xogadoras, na que introducimos xente nova, da Xeración 2000/2001, algunhas delas debutantes”.
Carlos Viver, seleccionador do combinado feminino español de balonmán: “Todo o tempo que pasemos concentradas é positivo, é tempo de traballo, unha semana en Dinamarca con dous partidos ante o combinado danés é unha experiencia valiosa que acumularán algunhas xogadoras, na que introducimos xente nova, da Xeración 2000/2001, algunhas delas debutantes”
A Xeración 2000/2001 chega á absoluta española
As xogadoras Nicole Wiggins, Janna Sobrepera e Paula Arcos, son as tres representantes da Xeración 2000/2001 que estarán adestrando e competindo nesta cita coa Selección Española Absoluta de balonmán.
Conforman un trío de grandes novidades nunha lista infestada de mocidade e talento. “Para nós é básico integrar a xente nova, e neste caso falamos de xogadoras consistentes na liga Guerreras Iberdrola; é importante que esta actividade lles permita foguearse a nivel internacional, xunto a outras Guerreras xa asentadas, e que collan esa bagaxe para que o día de mañá teñan un rol importante no equipo”, asegura Carlos Viver.
O adestrador da Selección Española manifestou: “Para nós é básico integrar a xente nova”
Os partidos amigables que disputarán as Guerreras entrenadas por Carlos Viver, con Juan Ignacio Prades do Atlético Guardés, como segundo adestrador, serán os seguintes:
- Xoves 15/04/2021 | 20:15 horas | Dinamarca vs España
- Venres 17/04/2021 | 16:10 horas | Dinamarca vs España
España estará nos XX.OO. e todo apunta a que Fernández será Guerrera Olímpica
Por quinta vez na súa historia e terceira de forma consecutiva a Selección Española de balonmán competirá nos Xogos Olímpicos. Con ela, salvo un xiro inesperado de guion, agárdase que esté a xogadora galega Alicia Fernández.
A xogadora de Valdoviño, que leva xa anos xogando no SCM Ramnicu Valcea, é unha das deportistas fixas de Carlos Viver nas súas convocatorias e de feito foi a autora de tres goles no partido ante Arxentina, que mereceulle ás Guerreras o pase aos Xogos Olímpicos de Toquio 2021.
Así será a preparación das Guerreras para os Xogos Olímpicos de Toquio 2021
