Tras asinar o pasado curso o ascenso o técnico galego Carlos Loureiro mantense ao fronte do banco do Hockey Club Deportivo Liceo. Este ano ten quince xogadoras ás súas ordes. Varias son internacionais coas súas Seleccións. Ao bloque do ano pasado súmaselle a volta a casa da coruñesa María Sanjurjo. A patinadora deixa o Telecable Gijón e regresa ao club logo de anos xogando fóra de Galicia para manterse na elite do hoquei a patíns español. A internacional e gañadora dun mundial con España, formouse no Dominicos e logo xogou no Liceo.
Son moitas as esperanzas postas neste equipo. Toca agora, como apunta o técnico do conxunto coruñés, demostrar na pista que están aquí para quedar e chegar ao máis alto. O Hockey Club Deportivo Liceo retorna á OK Liga sen complexos e disposto a todo. Os vimbios, sen lugar a dúbidas, son moi bos. As ganas, tamén son moitas, no club e na afección verdibranca.
A bóla comeza a rodar mañá sábado 6 de novembro e será nunha cancha que é un templo do hoquei a patíns galegos: o Pazo dos Deportes de Riazor da Coruña. Unha pista que acolleu mundiais, competicións europeas como a CERS, que foi escenario de grandes xestas do equipo masculino liceísta e que agora recibe ás féminas coas mesmas ganas de sumar trofeos e gloria.
AS NOSAS: A primeira pregunta é case obrigada. Misión cumplida co ascenso, pero agora empeza o bo para o HC Deportivo Liceo!
CARLOS LOUREIRO: Por fin conseguese o ansiado ascenso! Era o noso obxectivo principal a pasada tempada. Agora toca plasmar na pista que o HC Liceo pode ter equipo en OK Liga e que, como no masculino, pode pelexar contra todos os rivais posibles.
AS NOSAS: Reforzouse bastante o bloque para afrontar a competición este ano, non si?
CARLOS LOUREIRO: Fixemos varias fichaxes. María Sanjurjo, e outras internacionais como Adriana Soto, de Arxentina, a renovación de Bea Gaete, de Chile, Viki Caretta, que é porteira internacional con Italia. Tamén se suman Lucía e Lara Yáñez, que estaban no Borbolla, e Alba Garrote que ven de Cuencas Mineras.
Carlos Loureiro: “As fichaxes permitirannos axustar as situacións de partido”
💬 Declaracións de CARLOS LOUREIRO, técnico do #DeportivoLiceo, na previa do regreso á OK Liga Feminina.
🔗 ENTRADAS Á VENDA: https://t.co/s7H7jnsByG#TodoÓVerde pic.twitter.com/n7yHyzMsO8
— Hockey Club Liceo Feminino (@HCLiceoFem) November 5, 2021
AS NOSAS: En que considerades que van enriquecer ao bloque estas fichaxes que se realizaron para o curso 2021-22?
CARLOS LOUREIRO: Son fichaxes de moita experiencia con Europeos, Panamericanos ou Mundiais ás súas costas, apórtannos moita variedade táctica. Son xogadoras de características moi diferentes e iso vainos permitir axustar moi ben cada situación de partido e frontala o mellor posible
AS NOSAS: Entendo que contar cunha patinadora como María Sanjurjo é un luxo para o club liceísta, para a cidade e unha alegría enorme para ela persoal e profesionalmente ao poder volver xogar na casa, é así?
CARLOS LOUREIRO: Desde que ascendimos unha das ideas era, dentro das fichaxes que podíamos facer, que volvera María Sanjurjo ao equipo. Era moi importante para todas as partes. Para ela por que ten que ser un emblema do club. Saíu moi nova, era o que tiña que facer nese momento. Agora estamos moi contentos coa súa volta. Visibiliza que calquera rapaza que veña por abaixo pode chegar ao máximo nivel. Vainos aportar moitísimo.
Carlos Loureiro fala das novas incorporacións do equipo verdibranco: “Son fichaxes de moita experiencia con Europeos, Panamericanos ou Mundiais ás súas costas, apórtannos moita variedade táctica. Son xogadoras de características moi diferentes e iso vainos permitir axustar moi ben cada situación de partido e frontala o mellor posible”
AS NOSAS: Que che gustaría que definise o xogo verdibranco esta tempada 2021-22 na OK Liga?
CARLOS LOUREIRO: Eu pedinlles que desfruten moito da experiencia. Creo que así será máis sinxelo obter resultados. É un equipo con experiencia, iso pode ser un problema se hai moita presión ao xogar.
Pídolles moitísima intensidade. Cada bóla que pelexemos ten que loitarse como se fose a última. En ningún momento podemos estar desconectadas, iso pódenos custar un disgusto nos partidos.
Carlos Loureiro: “Pídolles moitísima intensidade, pelexar cada bóla como se fose a última e que desfruten da experiencia”
AS NOSAS: Desde cando levades adestrando para preparar este retorno á elite?
CARLOS LOUREIRO: Comezamos a adestrar a mediados de agosto xa que tiñamos dous partidos previstos en Portugal de antes de coñecer o inicio da competición. Logo desconectamos dúas semanas. Volvimos a finais do mes de setembro. Agora xa nos tardaba en chegar o día de inicio da competición
AS NOSAS: Que rivais consideras que son, sobre o paple, os máis fortes nesta OK Liga 2021-22?
CARLOS LOUREIRO: Os catro primeiros do ano pasado: Palau, Manlleu, Telecable, Cerdanyola están a bo nivel. Pero temos opcións de xogarlle de ti a ti a calquera. A ver o inicio como se nos da xa que temos de arranque a varios de estes equipos. Esperemos que saiamos a diante o mellor posible neste inicio de competición.
Carlos Loureiro: “A ver como se nos dá o inicio de competición xa que xogamos con Palau, Manlleu, Telecable e Cerdanyola. Esperemos saír adiante o mellor posible neste arranque”
A.N.: A cales considerarías, tamén sobre o papel, os máis asequibles para poder sumar ante elas?
C.L.: Non hai ningún asequible (ri). Imos ter que sufrir para gañar calquera partido. Eso non quere dicir que ao final chegamos a algún que gañemos fácil, pero haberá que ir aos poucos.
AS NOSAS: Xogar e adestrar no Pazo dos Deportes de Riazor na Coruña, ademais de aparellar as condicións dos equipos masculino e feminino agora que os dous militan na OK Liga, presumo que suporá un premio e un aliciente para as xogadoras que adestras?
C.L.: Riazor é unha pista que se vai facer moi compricada para calquera rival. Creo que imos aproveitar moitisimo ese factor pista.
Carlos Loureiro: “Riazor é unha pista que se vai facer moi compricada para calquera rival. Creo que imos aproveitar moitisimo ese factor pista”
AS NOSAS: Tes un bloque de xogadoras amplo, pero contas con algunha ausencia para este primeiro partido por lesión?
CARLOS LOUREIRO: Teño a todas disponibles nesta semana. Temos unha plantilla moi longa. Tócame descartar a catro por semana ao facer a convocatoria. Escollín ás dez que mellor o poden facer esta fin de semana.
