A xestión do partido foi para Carlos Cantero unha das cuestión claves dun partido no que o plantexamento do rival do Durán Maquinaria Ensino non foi para el unha sorpresa. “Sabiamos, desde o inicio, que o partido ía ser moi duro. Bembibre, salvo quizáis o partido de Guernica e o de Valencia, perdeu os partidos por máis ben pouco. Non esperabamos un partido fácil. Se pensamos que hai partidos fáciles equivocámonos. Temos que loitar os 40 minutos”, advertía na súa comparecencia diante dos medios o adestrador.
Ao respecto da reacción do equipo no último cuarto, Carlos Cantero incidiu na idea de que os partidos “xóganse a 40 minutos”. E nese sentido, considera que a experiencia e o oficio foron determinantes no resultado final que foi de 70-65 a favor do Durán Maquinaria Ensino.
Carlos Cantero, adestrador do Ensino: “Se pensamos que hai partidos fáciles equivocámonos. Temos que loitar os 40 minutos”
Explicaba o adestrador das lucenses que o Ensino ten “algo que elas non teñen: xogadoras con máis experiencia unha xestión da presión máis experta”. Nesa liña o técnico argumentaba que hai “momentos dos partidos nos que hai que xogar máis acougados, saber ler o baloncesto, hai que manter a agresividade, pero á vez tamén xestionar a tensión competitiva e creo que iso o fixemos mellor. Ao final un bo triplo de Vega deunos unha vitoria que é de todo o equipo”.
Aínda que sobre o papel o rival non debera dar moitas dores de cabeza ao Durán Maquinaria Ensino, Carlos Cantero sabe que non hai enimigo pequeno no deporte e advirte que si tiña en mente que “podiamos sufrir. Se nos afacemos a pensar que os de abaixo non poden dar sorpresas a equipos como nós, equivocámonos”.
Carlos Cantero, adestrador do Ensino: “Hai momentos dos partidos nos que hai que xogar máis acougados, saber ler o baloncesto, hai que manter a agresividade, pero á vez tamén xestionar a tensión competitiva e creo que iso o fixemos mellor”
É por iso que o preparador das lucenses non ve rivais pequenos, nin doados. “A miña maneira de enfocar os partidos é pensar que será duro. Non espero partidos fáciles. Non me pillou por sorpresa que Bembibre realizase este xogo. Ben por elas, e ben por nós, por que é importante sacar puntos en partidos nos que aínda que a sensación non sexa positiva, conséguese ao final unha vitoria.”
Unha campaña atípica que deriva en irregularidades
Consultado polas subidas e baixadas no xogo do Durán Maquinaria Ensino, Carlos Cantero admitía que “aínda temos un certo grao de irregularidade. Pero non podemos pretender xogar na xogada 8 coma se fose a 20”.
Buscando os motivos, para o adestrador do Ensino “hai que ter en conta que é unha Liga un pouco rara. Non hai afeccionados no pavillón. Non chega igual o ánimo. Cando xogas fóra de casa igualmente a sensación é rara. Hai que xestionar moitas cousas…”
Carlos Cantero, adestrador do Ensino: “Sempre está presente o tema do COVID, as restricións, os peches… Non tes todo o foco de atención onde debes telo. E todo iso costa. Desde a pretemporada xa é todo atípico”
Por outro lado, asegura que na mente dos equipos “sempre está presente o tema do COVID, as restricións, os peches… Non tes todo o foco de atención onde debes telo. E todo iso costa. Desde a pretemporada xa é todo atípico”.
Explica Cantero que, por outro lado, “hai unha acumulación de partidos e contra equipos moi físicos. Hai moitas variables que afecta á hora de conseguir esa regularidade”.
Con todo, é optimisto e amósase seguro do bloque que adestra: “Por suposto que a conseguiremos. Levamos catro vitorias e o equipo está ben e estamos ben colocados, pero custa máis que de costume alcanzar a regularidade. Aínda é pronto”.
A mellora emocional, a clave do partido para Carlos Cantero
Na opinión do entrenador do Ensino, o seu equipo non fixo “unha remontada”, simplemente “soubemos xestionar mellor as situacións”.
Para Carlos Cantero o punto diferencial que fixo que as galegas gañasen estivo en que “melloramos durante o partido máis que no xogo, a nivel emocional”. Explica que foron “máis fortes que elas, soubemos xestionar mellor o partido, soubemos ler mellor as situacións, sobre todo no último cuarto, e soubemos manter esa agresividade que quizais elas non souberon manter sobre todo en defensa. Elas non tiñan tanto acerto no último cuarto. E nós, que noutros momentos non metiamos triplos, nesa fase de partido conseguimos facelo”.
Carlos Cantero, adestrador do Ensino: “No último cuarto, e soubemos manter esa agresividade que quizais elas non souberon manter sobre todo en defensa”
Na súa reflexión final, Cantero admitía ter unha “sensación agridoce”, pero matizaba que “a longo prazo esas cousas fanche mellor equipo”.