Catorce partidos despois, a fin da primeira volta está á volta da esquina e, con ela, a clasificación para a Copa da Raíña. O Durán Maquinaria Ensino, ás ordes de Cantero, aínda ten unha oportunidade, pero primeiro debe gañar ao Quesos El Pastor, o sábado ás 19:00 horas.
“Agora mesmo estamos nun triple empate en canto a opcións de meternos en Copa e non somos o que máis doado o ten nin o que o ten máis difícil”, resume Carlos Cantero, adestrador do Ensino.
A idea de competir na Copa non pasa pola cabeza do técnico, quen prefire entrarse en “ir serias e concentradas para o partido e pensar na vitoria primeiro”.
Despois dun moi necesario partido gañado ante un rival directo, o Kutxabank Araski, as lucenses tentarán repetir o seu bo xogo ante o colista da clasificación, o Quesos El Pastor.
A inestabilidade está castigando, e moito, ás zamoranas. Durante esta tempada viviron varios cambios de xogadoras e tamén cambios no corpo técnico, algo que Cantero agarda que “lles afecte negativamente, pero ás veces estas cousas son para positivo, xa que cambian a dinámica”.
O adestrador das lucenses aprecia xa unha mellora no xogo das rivais, “aínda que non saquen os partidos, e son un equipo que necesitado de vitorias para saír desa zona baixa da clasificación. Son un equipo perigoso”, advirte.
Bea Sánchez, única baixa no corto plantel de Cantero
Pola súa banda, todo o plantel do Durán Maquinaria Ensino estará a súa disposición agás a xogadora Bea Sánchez, que sigue entre algodós. “As probas médicas non foron moi esperanzadoras e nas próximas semanas iremos evaluándoa día a día, vendo como avanza e que sensacións ten”, declaraba ao respecto do estado físico da deportista o técnico do conxunto galego.
O resto da plantilla do Ensino está preparada para afrontar o duelo, “cargado, pero non nun punto límite” pola acumulación de partidos e poucas rotacións, pero “concentradas e listas para afrontar o reto”.
Os outros duelos que decidirán a Copa
Esta fin de semena dispútase a décimoquinta xornada de Liga Femenina Endesa, e a totalidade dos oito postos para competir na Copa aínda non están decididos.
Os seis primeiros clasificados, e que xa saben con seguridade que disputarán o torneo, son o Perfumerías Avenida, o Valencia Basket, o Spar Girona, o Movistar Estudiantes, o Lointek Gernika e o Ciudad de la Laguna Tenerife.
Pero aínda quedan dúas plazas máis. Unha delas será ocupada polo anfitrión, en caso de que este non forme xa parte dos seis primeiros. De ser así, entrarían dous conxuntos máis na disputa, é dicir, competirían os oito mellores da categoría.
Así, a afección do Durán Maquinaria Ensino deberá ter un ollo no encontro das lucenses, e outro nos resultados dos seguintes partidos:
- IDK Eukotren – Valencia BC. As vascas ocupan a sétima posición, cun punto máis que as galegas, e reciben a un rival de altura e ao que será difícil vencer: o Valencia, segundo clasificado.
- Kutxabank Araski – Campus Promete. As lucenses necesitarán unha vitoria do Araski para que o Promete vexa mermadas as súas opcións de Copa. As visitantes ocupan a oitava posición e son o conxunto co rival máis adsequible para sumar os dous puntos.
- Al-Qázeres – Cadi La Seu. O cadro de Bernat Canut precisaría a derrota do Promete e do Ensino para ter opcións para clasificarse, e gañar o seu propio encontro.
O que máis atinxe ás galegas é o duelo entre o Araski e o Promete. Unha vitoria das locais achaiaría o camiño hacia o torneo do Ensino. Por iso, Cantero pon as súas esperanzas no xogo das vascas e espera que non lles pase “como a nós. Teñen unha rotación que se lles queda un pouco baixa e dan as dáus caras dunha mesma moeda. Se antes xogaron ben, agora mal, e non se sabe”.
A vitoria acadada na reanudación do partido da novena xornada contra o Casademont Zaragoza pode chear de enerxía ao Araski para o seguinte encontro. “Esperemos que isto lles dera confianza e ánimos e fagan un bo partido ante o Promete”, declara o técnico lucense.
