“A plantilla está eufórica por ter conseguido o obxectivo de estar no play-off”, confesaba o adestrador do Durán Maquinaria Ensino, Carlos Cantero logo de sumar un trunfo ante o Kutxabank Araski (65-67) que lles aseguraba matemáticamente estar na loita polo título na Liga Feminina Endesa.
Con respecto ao partido o entrenador relataba que tiña sido un “partido superduro. De novo con tan pouca rotación que se producen altibaixos no partido. Pero soubemos estar máis duras mentalmente ante elas”.
Segundo Carlos Cantero “Araski expuxo un partido moi duro, con moitos golpes, ímonos moi magulladas, pero coa alegría de estar no play-off“.
Seguramente polas escasas rotacións coas que conta, o último dos cuartos foi complicado para as luceses. “Fíxosenos un último cuarto moi longo”, admitía o preparador do Ensino que tamén lamentaba o feito de que houbese “decisións arbitrais moi, moi caseiras. A técnica é totalmente inxusta. Ás veces parecía que xogabamos contra cinco xogadoras de Areste e tres árbitros”, queixábase o entrenador do Durán Maquinaria Ensino.
En opinión do técnico do Ensino, Carlos Cantero: “Araski expuxo un partido moi duro, con moitos golpes, ímonos moi magulladas, pero coa alegría de estar no play-off“
“Ao final, estou contento polo resultado, e tamén estou contento por que todas as xogadoras volveron sumar”, declaraba Carlos Cantero logo do partido ante o Kutxabank Araski.
