Ao término do encontro co Perfumerías Avenida, no que o Durán Maquinaria Ensino caía derrotado por 52-58, Carlos Cantero, técnico das luceses, facía unha valoración xeral do partido dicindo que saía “contento por que pese das dificultades de ter só como referencia o partido contra elas a evolución do equipo é boa”.
Na opinión do adestrador do CB Ensino Lugo defendía a lectura positiva do encontro: “Hai que manter esta liña de traballo. Polo rendemento demostrado en pista habendo aguantado e competido ante Salamanca, que é o campión da Supercopa, pois a lectura é positiva”.
Carlos Cantero, adestrador do Durán Maquinaria Ensino: “Hai que manter esta liña de traballo. Polo rendemento demostrado en pista habendo aguantado e competido ante Salamanca, que é o campión da Supercopa, pois a lectura é positiva”.
Tal e como apuntaba o preparador das galegas, na derrota foi clave “perder nos últimos minutos do partido fai que quedes cun sentimento agridoce, pero déixache ganas de traballar, imos na liña correcta así que se pode realizar unha lectura positiva”, insistiu.
Carlos Cantero, adestrador do Durán Maquinaria Ensino: “Hempe realizou un bo partido grazas sempre ao traballo das compañeiras, bloqueos que lle pon, pases que a buscan…”
Consultado sobre o papel que tivo a xogadora estadounidense Merrit Hempe, considerada MPV polo público local, admitiu que “Hempe realizou un bo partido”, pero matizou que os logros acadados pola pívot foron froito do traballo en equipo. Explicaou que acadou ese protagonismo no choque “grazas sempre ao traballo das compañeiras, bloqueos que lle pon, pases que a buscan…”. O técnico puxo así en valor o bloque. Con todo, admitiu que Hempe “pode ser un referente, claro que si, ela e outras xogadoras que temos”.
A xogadora foi elexida a máis valorada do partido MVP na enquisa post partido que o club da cidade da muralla adoita facer cada encontro.
⛹🏻♀ I Jornada #LFEndesa
🕖 Final del partido en Lugo@EnsinoLugoCB [52] – [58] @CBAvenida🔴 ELIGE LA MVP DEL PARTIDO#SomosEnsino | #VoltaráLoita@DuranMaquinaria @Cafescandelas @SomosABANCA
— Ensino Lugo (@EnsinoLugoCB) September 19, 2020
Ao CB Ensino faltoulle “crerérnolo”, di Carlos Cantero
No haber das galegas está tamén, segundo a lectura do partido que facía Cantero que: “Soubemos ver a ver a debilidade do rival e atacar por aí”.
Con todo, tal e como apunta o técnico “para gañar fai falta crerlo”. Na análise do partido Carlos Cantero explicaba que “houbo un momento ao final cun 44-44 nas que un par de accións de canastras fáciles non puideron entrar. As pernas xa non nos aguantaban igual. Elas contrarrestaron cun par de canastras, e aí xa nos meteron un parcial que o puxo todo máis difícil. Non iamos a aguandar fisicamente, así que a cabeza tampouco pensaba correctamente como atacar ou defender. Faltounos crérnolo”, sentenciaba o preparador.
Carlos Cantero: “Voume satisfeito polo traballo de pretempada”
Poñendo na balanza as súas sensacións sobre este primeiro cruce ligueiro para a tempada 2020-2021, o adestrador do Ensino admitía irse a casa “satisfeito do equipo”. Detallaba que “máis que polo resultado”, o facía “polo partido e polo traballo de pretemporada”.
Carlos Cantero, adestrador do Durán Maquinaria Ensino: “As xogadoras souberon abstraerse de todo o tema do coronavirus. Foron profesionais vindo adestrar, os adestramentos están a ser bos e a liña que ten o equipo de mellora é ascendente”
Carlos Cantero destacaba como as xogadoras que adestra “souberon abstraerse de todo o tema do coronavirus. Foron profesionais vindo adestrar, os adestramentos están a ser bos e a liña que ten o equipo de mellora é ascendente”.
De aí que o técnico asegurara que “por ese lado si me vou satisfeito. Nunca me vou satisfeito cando perdo aínda que sexa contra Salamanca, pero co traballo que estamos a realizar si estou moi satisfeito xa que á fin e ao cabo, é o día a día”.
O vindeiro choque do Durán Maquinaria Ensino será contra do Movistar Estudiantes o 3 de outubro. Trátase do seu inmediato perseguidor na táboa aínda que a clasificación, con so unha xornada disputada, sexa anecdótica. O partido está marcado, en principio para as 18:00 horas no Antonio Magariños.
CRÓNICA DO DURÁN MAQUINARIA ENSINO VS PERFUMERÍAS AVENIDA
