O adestrador do Durán Maquinaria Ensino, Carlos Cantero, explicaba logo da derrota das lucenses por 48-56 diante do CD Promete que se tratou dun “partido que sobre todo perdimos por unha falta de acerto bastante alta, e ademáis encima xogando en casa. É ao que achaco á derrota”.
O técnico das galegas argumentaba que o encontro da para moito. “Aparte de ter moitas lecturas o partido, esa é quizáis a clave máis chamativa, o noso 2 de 19 en triplos. Iso foi unha constante ao longo dos 40 minutos”.
Explicaba Cantero que “no tema de defensa si é certo que fomos a mellor cuarto a cuarto, sobre todo a segunda parte foi un bo traballo defensivo. Incluso acabamos con máis valoración ca elas, pero si é certo que o tema de acerto de cara ao tiro non nos acompañou neste partido. Quizais no primeiro, segundo, tercer cuarto, tes ese acerto máis elevado a nivel de tres puntos e todo semella máis fácil. Poste arriba no marcador, defendes con máis confianza… Iso foinos lastrando cuarto a cuarto ata que na segunda parte deixámoslle en 20 puntos, pero nós seguimos sen ser máis capaces de meter 22”.
Na opinión do preparador das lucenses, Carlos Cantero, “Ao final, con estes equipos desta posición na táboa estamos demostrando que somos un equipo bastante bo anotador, con máis de 70 puntos por partido, pero este é o primeiro que podemos dicir na tempada que non tivemos ese acerto, e lamentando case que fora xogando de local”.
O partido do Durán Maquinaria Ensino co CD Promete deulle ao técnico “sensacións outra vez malas, pero máis pola derrota que polo xogo das rapazas. Hai que seguir e volver a realizar os entrenamentos que poidamos, e a por o seguinte partido”.
