A galega Carla Carrón Muiña, nadadora do C. N. Arzúa e bolseira do CGTD, está convocada para participar co Equipo Nacional Absoluto de natación no Meeting Internacional de Edimburgo. A cita levarase a cabo entre o 11 e o 13 de marzo.
Segundo apunta a FEGAN, este será un meeting importante e con moito nivel, que servirá de preparación para o Campionato de España Absoluto que se celebrará en Málaga do 10 ao 13 de abril. As probas nas que participará Carla Carrón son 400, 200 e 100 libre.
Xunto a ela estarán Ainhoa Campabadal, Alba Herrero, Paula Juste, Ángela Martínez e Laura Rodríguez.
