“Todas marchamos moi contentas. Ao final esta é unha oportunidade nova para todas e vir aquí xa é un premio para seguir traballando polo equipo e loitar por volver”, resumiu a futbolista do Poio Pescamar FS Cari García, convocada pola selección sub-21, sobre o partido contra a absoluta.
Unha concentración dobre na Ciudad del Fútbol de Las Rozas xuntou ás xogadoras da Selección Española de fútbol sala e ao seu equivalente sub21 entre o 13 e 15 de decembro. Para finalizar a convocatoria, ambos equipos enfrontáronse nun amistoso cun 4-0 final a favor das internacionais absolutas.
Segundo explicaba a porteira galega, “na primeira parte notousenos os nervios e a falta de rodaxe. É a primeira vez que coincidimos todas xuntas e a notouse a falta de coñecementos de estratexias e ritmo no xogo”.
Despois de recibir tres goles, as xoves promesas reaccionaron e competiron a máis nivel. “Na segunda parte asentámonos un pouquiño máis e creo que llo puxemos un pouco máis complicado”, declaraba Cari.
A absoluta foi superior tamén no segundo tempo e levouse o amistoso marcando un cuarto gol, obra da galega Jenny.
SELECCIÓN 🇪🇸|
La veteranía de la @SeFutbolFem determinó el choque contra la @SeFutbolFem Sub-21 [4-0].@CariGd99 @antipg8ℹ️ https://t.co/40fXRcrAMy
.
.#enceplansocialpontevedra #poiomovese #somosabanca #deputaciondepontevedra #xuntadegalicia #NON pic.twitter.com/8lp5MhMeBr— Poio Pescamar FS (@PoioPescamarfs) December 15, 2020
Por parte do combinado dirixido por Clàudia Pons, acudiron tres galegas: Jenny Lores, do Ourense Envialia FS, Ale de Paz do Pescados Rubén Burela e Nerea Moldes, da AD Alcorcón. Peque, do Burela, tamén estaba convocada pero unha lesión obrigouna a quedar en Galicia.
Entre as sub21, dirixidas por Íñigo Martínez, estiveron Judith Pedreira do Ourense Envialia e Caridad García e Antía Pérez, do Poio Pescamar FS. Tamén entrou na lista Martita, do Viaxes Amarlle FSF, pero tampouco pudo acudir por mor dunha lesión.
