Hai unha galega en Estados Unidos e está a facer historia. A viguesa Carmela Cardama, de 24 anos, proclamouse campioa na proba dos 10.000 metros do Campionato Universitario de Atletismo NCAA, sendo así a primeira española en impoñerse neste torneo.
Na web do seu equipo, o Oregon Athletics, a atleta declarou que a vitoria “significa moito porque foi un proceso longo. É moi emocionante acadar isto hoxe, coa miña xente, cos meus pais véndome desde casa e os meus amigos gritando desde a banda. É un recordatorio de canto custa conseguilo, pero tamén de canto apoio necesitas”.
Carmela Cardama: “É moi emocionante acadar isto hoxe, coa miña xente, cos meus pais véndome desde casa e os meus amigos gritando desde a banda”
Na súa última competición como unha Duck, Cardama asegurou que ten moito que celebrar antes de deixar Oregon. A xove galega logrou o ouro cunha marca de 32:16.13, a 14ª mellor da historia española e a segunda mellor desde o ano 2010, só por detrás de Trihas Gebre.
¡HISTORIA!
Por primera vez, una 🇪🇸 campeona de la @NCAATrackField 🤯😍👏🏼
¡ENHORABUENA, Carmela Cardama!
⏱ 32:16.13 en 10.000m
➡️ 14ª marca 🇪🇸 de la historia
➡️ 2ª mejor marca desde 2010 (la primera es de Trihas Gebre) pic.twitter.com/pUUzOh8oXS— atletismoRFEA (@atletismoRFEA) June 11, 2021
No ano 2019, a viguesa tamén estivo preto do primeiro posto, finalizando nunha segunda posición na proba dos 10.000 metros. Con esta prata, uniuse a atletas españois como Claudia García en altura, na lista de deportistas que accederon ao podio nos NCAA. Ata agora, ningún acadara o ansiado ouro.
A histórica carreira de Cardama
Co seu resultado, Cardama mellorou en máis de 10 segundos a súa marca persoal, e superou á atleta Mercy Chelagant de Alabama. Durante o primeiro tramo o grupo mantívose compacto, pero a falta de 4.000 metros, segundo informa a web do seu club, a viguesa pasou de sétima a terceira nun emocionante tramo final, pisándolle os talóns a Chelagant, quen vencera o título de cross country en marzo.
A falta de oito voltas, a atleta do Oregon pasou a ser segunda, xa moi distanciada do resto de corredoras. Cardama xerou distancia a menos dun quiilómetro, para rematar impoéndose nos 200 metros finais.
A galega converteuse desta forma na segunda atleta do Oregon, despois de Kathy Hayes no 1984, en vencer na proba universitaria. Aquí podes revivir os metros finais do concurso:
An impressive final lap of the 10000m by @OregonTF Carmela Cardama Baez!!#NCAATF Champion 🏆 pic.twitter.com/CNenlxJ9LI
— NCAA Track & Field (@NCAATrackField) June 11, 2021
