Este sábado, 8 de maio, a Piscina Municipal Carballo Calero acollerá a cuarta xornada da Liga Galega Benxamín de natación, organizada pola AD Fogar. A competición comezará ás 16:00 horas e seguirá estrictas medidas de seguridade por mor da COVID-19, polo que non haberá presenxa de público.
Durante a celebración da xornada haberá dous turnos diferenciados de quecemento e competición, un feminino e outro masculino, e non se nadarán as tradicionais probas de substitucións por equipos co obxectivo de evitar aglomeración de nadadoras. As deportistas deberán entrar e saír da instalación de Carballo por clubs, baixo acreditación e de xeito graduado.
O AD Fogar acudirá cun equipo de 25 deportistas, das cales 9 pertencen á categoría feminina. O equipo de Carballo ocupa actualmente a décima posición dos 24 que conforman a categoría.
