Este sábado, 15 de maio, finaliza coa cuarta xornada a Liga Galega de Natación Promesas, na Piscina Municipal Carballo Calero. A proba, acollida pola AD Fogar, disputarase en horario de tarde desde as 16:30 horas.
Seguindo as medidas de seguridade sanitaria, a competición levarase a cabo sen presenza de público e baixo estrictas medidas de seguridade, como un aforo restrinxido, hixiene de mans, control de temperatura e o mantemento da distancia de seguridade. Ademais, establecerase un único sentido de circulación e o uso da máscara será obrigatorio agás no momento de nado.
Participantes e probas de Carballo
O equipo da AD Fogar competirá en Carballo con dúas nadadoras en categoría feminina, e 17 en masculina, todas elas menores de 10 anos. Pola súa parte, o CN Arteixo fará o propio cun total de dez nadadoras, sendo só dúas delas de categoría feminina.
O programa de probas desta segunda rolda inclúe os 25 metros pes bolboreta con táboa, os 25 e 50 metros bolboreta e os 50 metros costas en ambas categorías.
