O vindeiro domingo día 30 de maio de 2021 a Piscina Municipal Carballo Calero acollerá en Carballo a 5ª e derradeira xornada da Liga Galega Máster. A competición desenvolverase en dobre sesión de 9 a 11:30 horas con 46 nadadores e nadadoras en liza, e de 11:30 a 13:00 horas con outras 46.
Como vén sendo habitual levaráse a cabo sen a presenza de público e baixo estrictas medidas de seguridade, como o aforo restrinxido, a hixiene de mans, o control de temperatura, o mantemento da distancia de seguridade, o establecemento dun sentido único de circulación, ou o uso obligatorio da máscara agás no momento de nado entre outras.
Ademáis non se nadarán as tradicionais probas de substitucións por equipos co obxectivo de evitar a aglomeración de nadadores-as que entrarán e sairán da instalación baixo acreditación e de xeito graduado por clubs.
Os participantes en Carballo
Para esta quinta xornada as da AD Fogar formarán un equipo composto por 13 nadadoras, das cales 4 pertencen á categoría feminina e os 9 restantes á masculina. Actualmente o equipo ocupa a quinta praza dos 23 conxuntos da categoría.
No primeiro turno tamén competirán oito nadadores masculinos do Santiago, sete nadadores masculinos do Hércules, tres masculinos e unha feminina do Culleredo, tres nadadores e unha nadadora do CN Arteixo, tres nadadores masculinos e unha feminina da Hípica, un nadador e dúas nadadoras do Marina e dous nadadores e unha nadadora da USC.
Por parte do AD Náutico de Narón competirán catro deportistas en categoría feminina, e dous en masculina. O segundo grupo complétase coa participación do CN Ferrol e o CN Liceo.
O programa de probas da xornada inclúe os 400 metros libres e os 50 metros bolboreta, costas e braza.
