O sorteo da segunda rolda da Copa da Raíña, celebrado esta mañá nas intalacións da Real Federación Española de Balonmán, deparou sorte ben distinta para os dous equipos galegos participantes. O Mecalia Atlético Guardés deberá desprazarse ata a localidade de Bolaños de Calatrava para facer fronte ao BM Bolaños, mentres que o Conservas Orbe Rubensa BM Porriño terá que medirse ao Aula Valladolid, quinto clasificado na Liga Guerreras Iberdrola.
O soño da primeira Copa pasa por Bolaños de Calatrava
A conquista do primeiro título copeiro por parte das xogadoras adestradas por José Ignacio Prades deberá comezar en terras castelás grazas a un sorteo que, sobre o papel, foi máis benévolo coas da Guarda, xa que lles toca un equipo de Prata. Pero o certo é que o BM Bolaños como di Nazaret Calzado: “se están aquí, é por algo”.
Tras caer nas semifinais da pasada edición fronte ao Aula Alimentos de Valladolid, actual rival das veciñas do Porriño, o conxunto miñoto tratará de gañarse o billete para estar en abril na fase final do campionato en Guipuzkoa, mais antes deberá recorrer un duro camiño que terá ao BM Bolaños como primeira pedra de toque nesta competición do ko.
O encontro estará especialmente marcado no calendario da extremo do conxunto galego Nazaret Calzado, natural do municipio ciudadrealeño e ex xogadora do equipo. Unha coincidencia que lle vai permitir regresar a unha cancha que lle é moi familiar.
A deportista do Mecalia Atlético Guardés, que militou no BM Bolaños ata os 18 anos, explicaba que estaba “moi contenta de xogar contra o equipo do meu pobo que no balonmán sempre foi unha familia para min. Cada vez que voi por alí síntome unha máis”, aseguraba. A extremo zurda declaraba tamén que lle fai “moita ilusión ver a toda a miña xente e xogar contra algunhas das miñas amigas, sempre é bonito”, di.
Nazaret Calzado sobre o BM Bolaños, rival na Copa da Raíña do Atlético Guardés: “Penso que vai ser un rival bastante difícil. Se están aquí, é por algo. Coñézoas bastante e se por algo se caracterizan é porque nunca se rende e loitan ata o final. Teremos que facer dous partidos serios porque vannolo poñer complicado”
Con todo, a deportista avisa que o club no que se fixo como xogadora non será un rival que poña doadas as cousas ás da Guarda. “Penso que vai ser un rival bastante difícil. Se están aquí, é por algo. Coñézoas bastante e se por algo se caracterizan é porque nunca se rende e loitan ata o final. Teremos que facer dous partidos serios porque vannolo poñer complicado”, avisa Nazaret Calzado.
A eliminatoria, a dobre partido, celebrarase o días 26 de xaneiro de 2022, na localidade manchega, e tres días despois xa na cancha da Sangriña.
👋 @CBMB_Official. Encantadas de visitaros el próximo 26 de enero para jugar la ida de la segunda ronda de la Copa.
Os esperamos en A Sangriña tres días después para la vuelta.— Mecalia Atlético Guardés (@Atlguardes_ofic) January 3, 2022
Tampouco se fía o técnico das galegas e seleccionador estatal, José Ignacio Prades, que declaraba tras coñecer o cruce: “Calquera enfrontamento pode ser complexo, independentemente de que sexa un equipo de Prata”, advertía o adestrador.
O conxunto do Campo de Calatrava ocupa arestora a segunda posición no seu grupo dentro da División de Honor Plata. Na primeira rolda tumbou ao Lanzarote Zonzamas e o fixo remontado un 1-6 de arranque deixando o partido nun 28-27. Saben polo tanto as xogadoras do Vino Donña Berenguela Bolaños como eliminar a un equipo da máxima categoría.
Prades non se fía do Bolaños: “Levan dous anos acariñando o ascenso”
Precisamente sobre o rival, José Ignacio Prades salientaba que o BM Bolaños “leva dous anos acariñando o ascenso e tense cargado a equipos de División de Honra nas últimas tempadas nas que ten competido moi ben”, avisa Prades.
José Ignacio Prades sobre o Bolaños: “Non hai que fiarse o máis mínimo. Coñezo ao seu adestrador, que é un bo amigo, e sei que traballa moi ben e moi duro. Hai que poñer todos os sentidos na eliminatoria e facer un bo partido alí, e outro aquí para pasar á fase final”
O técnico de Petrer ten claro que “Non hai que fiarse o máis mínimo. Coñezo ao seu adestrador, que é un bo amigo, e sei que traballa moi ben e moi duro. Hai que poñer todos os sentidos na eliminatoria e facer un bo partido alí, e outro aquí para pasar á fase final”, sentenciaba Prades.
O BM Porriño enfrontararase ás vixentes subcampioas
Conservas Orbe Rubensa BM Porriño e Caja Rural Aula Valladolid protagonizarán un dos duelos máis atractivos e equilibrados desta segunda rolda da Copa da Raíña.
A sorte, que si lle sorríu á espectadora neutral, non o fixo con ningún destes dous conxuntos. As pucelanas, subcampioas en dúas das tres últimas edicións, buscarán redimirse destas derrotas fronte a un Conservas Orbe Rubensa BM Porriño que aspira a dar a sorpresa nesta competición.
O único precedente de cruce desta tempada saldouse cunha victoria local en terras vallisoletanas por 34-26 na décima xornada do campionato doméstico. Na edición do torneo do ko do pasado curso, xa se viran as facianas porriñesas e vallisoletanas.
O pavillón municipal do Porriño acollerá o vindeiro 26 de xaneiro o primeiro encontro da eliminatoria, e o día 30 as xogadoras que adestra o técnico Ismael Martínez viaxarán ata o Polideportivo Huerta del Rey para tratar de selar o pase á seguinte rolda. En fronte, un óso ben duro de roer!
Xa temos o noso rival na 2 volta da #CopaReina2022‼️
Conservas Orbe Rubensa Bm Porriño 🆚 @BmAulaCultural
📆 Ida, 26 de xaneiro, e volta, 29 de xaneiro pic.twitter.com/isqVAdLQtb
— Club Balonmano Porriño (@BmPorrino) January 3, 2022
Resto de partidos da 2ºrolda da Copa da Raíña
- Grafometal La Rioja – Rocasa Gran Canaria
- Handbol Sant Quirze – Unicaja Banco Gijón
- Zubileta Evolution Zuazo Barakaldo – Costa del Sol Málaga
- Balonmano Morvedre – KH-7 Granollers
