Cara e cruz na Liga Feminina 2. Os equipos galegos da competición estatal de baloncesto gañan e perden os seus encontros no inicio da segunda volta.
O Baxi Ferrol vence comodamente ao Ausarta Barakaldo na Malata. A pesar de pelexar ata o pitido final, o A.D. Cortegada perde ante o Patatas Hijolusa por cinco puntos.
Vitoria cómoda na Malata
O conxunto dirixido por Lino López gaña ante o Ausarta Barakaldo por 68 a 43 na Malata, no que foi a segunda vitoria consecutiva.
A anéctoda comezou antes do partido, cando parecía que os espectadores vían dobre na Malata. As irmás Leaupepe (Geraldynn e Geralynn) enfrontábanse na cancha ferrolá.
Tarde de baloncesto hoy en A Malata con el @UniFerrol con una curiosa imagen: enfrentamiento entre las gemelas Leaupepe. pic.twitter.com/sa8k8lT20d
— Raúl Lomba (@raul_lomba) January 18, 2020
A pesar de subir os primeiros puntos ao electrónico, o Barakaldo non poido facer nada ante o Baxi Ferrol. Rapidamente, as do Uni fóronse ao fin do primeiro cuarto con once puntos por diante.
Tralo descanso, a vitoria estaba máis cerca de quedar na cidade departamental. A mala pasada do cuarto anterior (18-14) non quedou no maxín ferrolá. O que fixo que endosaran un parcial de 22 a 6 e sentenciaran o partido.
Nesta ocasión, a encargada de acertar dende a liña de triplo do Baxi foi Macy Miller. A estadounidense marcou tres de catro e converteuse na máis valorada do partido. No cadro vasco, a galega Sara Cuíña tan só marcou un punto desde o tiro libre.
O Baxi Ferrol, tralo partido, quédase na cuarta posición da táboa. Na vindeira semana tócalles desprazarse ata o País Vasco para enfrontarse contra o GDKO Ibaizabal.
FICHA TÉCNICA
BAXI FERROL: Tamara Kapor, Macy Miller, Sure Swart, Patri Cabrera, Jenna Allen —quinteto inicial—, Sonia Bra, Geraldynn Leaupepe, Maria Torreblanca, Natalia Rodríguez, María Aijanen e Marta Tudanca.
HGB AUSARTA BARAKALDO E.T.S: Sara Cuíña, Araia Peñas, Patricia Soler, Marta Pérez, Adebayo Olabode
—quinteto inicial—, Geralynn Leapepe, Ane Larringaga, Beatriz Torres, Gnere Dembele, Catalina Abuyeres e Vilma Kesanen.
PARCIAIS: 18-7, 18-14, 22-6, 10-16 (68-43).
ÁRBITROS: Manuel Andrés Seijo Vázquez e Iris Díaz Feijoo.
Primeira derrota do ano para as de Vilagarcía
Intentáronno ata o final, pero o A.D. Cortegada perdeu ante o Patatas Hijolusa no pavillón municipal de Fontecarmoa (63-67).
A pesar de non entrar moi activas no primeiro cuarto, as xogadoras arousás cambiaron a dirección do partido tralo descanso, sendo o terceiro o mellor cuarto. Firmaron unha boa segunda parte facendo que o Patatas Hijolusa traballara para levarse a vitoria do pavillón de Vilagarcía.
Nel, as de Vilagarcía pecharon o electrónico por un 21 a 9 facendo que soñaran coa vitoria. Pero nos últimos dez minutos as leonesas melloraron os erros e tiveron máis acerto no tiro. Un parcial de 15 a 19 fixo que as de León leváranse o partido por 63 a 67.
A xogadora máis destacada das locais foi Cristina Loureiro. A ex do cadro celeste, o Celta, marcou 15 dos 63 finais. No Patatas Hijolusa, Yaiza Lázaro, con 20 puntos.
A fin de semana que ven (o sábado 25 de xaneiro) viaxan ata Gipuzkoa para xogar contra o Añares Rioja na xornada 15. Afastáronse un pouco máis dos postos de descenso e son décimas na Liga Feminina 2.
FICHA TÉCNICA
A.D. CORTEGADA: Andrea Ríos, Patricia Vicente, Cristina Loureiro, Nuria Chorén, María González —quinteto inicial—, Zeltia Presas, Miriam Garía, Irene Montenegro e Tyra Jones.
PATATAS HIJOLUSA: Laura Fernández, Andrea Boquete, Yaiza Lazaro, Alejandra Díaz, Patricia Benet —quinteto inicial—, Eva Casas, Elisa Martínez, Julieta Mungo e Marina García.
PARCIAIS: 10-19, 17-20, 21-9, 15-19 (63-67)
ÁRBITROS: Pedro Coladas Lois e Daniel López Illan.
