O Durán Maquinara Ensino acadou o triunfo 70-67 diante do Kutxabank Araski logo dun partido axustado que chegou a estar empatado ate en once ocasións e no que a súa maior vantaxe foi de 10 puntos.
Ao término do partido, o adestrador do Durán Maquinara Ensino, Carlos Cantero, dicía estar: “Moi orgulloso e satisfeito co equipo. Xogamos ben, fomos regulares, sen altibaixos durante o encontro. Soubemos, na segunda parte, defender mellor e acompañamos a Merritt e a Vega en ataque”.
Vega resultou a xogadora máis valorada e a mellor anotadora local (23), mentres que Merritt Hempe era quen de facerse con oito rebotes dos que sete foron en labores defensivas, ademais asinou 21 puntos. Con 14 asistencias, Aleksandra Stana foi outro dos nomes propios do partido entre as locais.
Con este resultado, o Durán Maquinaria Ensino marca certa distancia cun rival directo fronte ao que se coloca por encima na táboa e con tres puntos máis no casilleiro.
Vosotr@s la habéis elegido. La MVP de la afición ha sido @vegagimeno 🔥
🏹 23 puntos. 5 rebotes. 1 asistencia y 7 faltas recibidas. #SomosEnsino #LFEndesa pic.twitter.com/CqW47tuZgB
— Ensino Lugo (@EnsinoLugoCB) December 4, 2020
O frío que hoxe facía en Lugo olvidouse sobre a cancha do Pazo Provincial dos Deportes onde as espadas estiveron por todo o alto nun complicado cruce no que as lucenses e as de Vitoria tiveron que sudar a gota gorda para dirimir quen levaba o triunfo. Finalmente, conseguírono as galegas.
Xa antes do encontro no parecía que fose un cruce doado para as lucenses e non o foi. O Kutxabank Araski, adestrado por Made Urieta, e no que milita a ferrolá Tamara Abalde, púxollo complicado ás galegas que foron por detras nos dous primeiros cuartos, aínda que a vantaxe das visitantes non fose máis que mínima. Noi primeiro o resultado foi 23-24 e no segundo 39-44.
Á volta do descanso o Durán Maquinaria Ensino acadou mellores números en defensa e foi remontando ditancias. Ao final do terceiro período xa vencía 59-54 e ao final impúxose por 70-67.
A xogadora máis valorada do partido foi Vega Gimeno con 28 de valoración. A deportista foi ademais a maior anotadora das locais con 23 puntos. Superoulle en anotación con 24 a segunda xogadora máis valorada (con 27 puntos), a madrileña do Kutxabank Araski Laura Quevedo.
🔥🔥🔥🔥🔥🔥🔥🔥
Vaya partido de @AleksandraStana @vegagimeno y @HempeDoesIt #SomosEnsino pic.twitter.com/O03yBUu1XM— Ensino Lugo (@EnsinoLugoCB) December 4, 2020
Con todo, o adestrador das galegas rexeita que houbese algún tipo de reacción por parte do equipo que adestra logo do descanso. “Continuamos durante todo o partido co bo traballo que estamos a facer”, sostiña ao ser preguntado sobre a reacción do Ensino no segundo tempo.
Admitía Carlos Cantero que o Ensino mellorara algúns aspectos do seu xogo a partir dese momento. “É certo que vimos dous detalles en defensa que se corrixiron, por unha banda a defensa dunha contra unha, e por outro lado o rebote defensivo. A actitude foi moi boa os 40 minutos”, sostiña.
Na opinión de Carlos Cantero o rival “viviu un pouquiño dese triplo que entraba un pouco por sorte dando na parte de arriba do taboleiro e situacións dunha contra unha que logo na segunda parte freamos. Pero a actitude foi moi boa. Non noto que houbese unha reacción. A rotación foi a mesma”.
Cantero: “Soubemos xogar máis regularmente nos 40 minutos”
Na súa lectura do partido o adestrador das galegas consideraba que as súas pupilas estiveran ante o Kutxabank Araski “ben en ataque. Estamos serias. Soubemos xogar máis equilibradamente e máis regularmente ao longo dos 40 minutos”.
Para Carlos Cantero “o importante de hoxe é que houbo unha actitude moi boa sobre todo a nivel defensivo. Houbo intensidade, garra, sacrificio… que é o que non estiven vendo nas dúas últimas derrotas que tivemos. Hóuboa os 40 minutos”, aseveraba ante os medios en rolda de prensa.
Ao ser consultado sobre a importancia do seguinte choque, Cantero declaraba: “O próximo partido sempre é o máis importante, o próximo quizais máis, pero afrontámolo como outro partido moi importante, outro partido que hai que gañar”.
FICHA TÉCNICA
70.- DURÁN MAQUINARIA ENSINO: Aleksandra Stanacev (4), Vega Gimeno (23), Laura Aliaga (3), Alba Prieto (7) e Merritt Hempe (21) – quinteto inicial -. Tamén xogaron: Natalie Van den Adel (5), Chatrice White (4) e Nina Bogicevic.
67.- KUTXABANK ARASKI: Tamara Abalde (10), Maria Asurmendi (9), Laura Quevedo (24), Anna Cruz (-) e TAmara Seda (2) – quinteto inicial -. Tamén xogaron: Izaskun García (10), Cristina Molinuevo (-), Laura Pardo (-) e Joy Adams (12).
PARCIAIS: 23-24; 16-20; 20-10 e 11-13.
ÁRBITROS: Pol Franquesa, Igor Esteve e Sara Peláez.
INCIDENCIAS: Partido correspondente á xornada 14ª da Liga Feminina Endesa disputado no Pazo Provincial dos Deportes de Lugo.