O adestrador do Durán Maquinaria Ensino de Lugo, Carlos Cantero, estaba radiante de ledicia ao final do partido das galegas contra do Zamarat Quesos El Pastor. O resultado deste cruce da 15ª xornada da Liga Endesa foi de 55-62 para o conxunto lucense e clasifica ás de cidade da muralla para a Copa da Raíña. O técnico facía fincapé ao final do partido na enorme dificultade que supuxo acadar este fito deportivo. “Non imaxina ninguén o difícil que é”, aseveraba ante os medios de comunicación.
“Estou moi contento e moi alegre polo equipo por estar na Copa da Raíña”, manifestaba o adestrador das lucenses logo de gañar ao Quesos El Pastor e confirmar o pase do Durán Maquinaria Ensino á disputa da Copa da Raíña deste curso.
Defendeu o técnico, Carlos Cantero, o traballo do equipo que prepara e sostivo: “Estamos aí por traballo, por traballo e por traballo”. “Estou moi contento”, repetiu en varias ocasións o preparador do Ensino Lugo. “Non se imaxina ninguén o complicado que é, o difícil que é, a cantidade de equipos iguais, pouco superiores ou moi superiores a nós que non están na Copa. Este ano foi realmente igualado”, advertía Cantero.
Así viu Cantero o cruce co Zamarat Quesos El Pastor
“Empezamos impondo o noso ritmo”, detallaba Carlos Cantero sobre o partido contra o Zamarat Quesos El Pastor. “Até o 28-18 estivemos moi ben. Logo elas puxéronse as pilas e quitáronnos ese timing do partido pero chegamos ao descanso gañando”. Ao termo dos dous primeiros cuartos o Durán Maquinaria Ensino contaba cun 26 – 32 que lle atribuía unha curta vantaxe de seis puntos. Dous tiros de tres e o partido púñase en táboas.
Tal e como explica o adestrador do Ensino Lugo, “a segunda parte foi bastante igualada é difícil para ambos os equipos. Unhas querendo saír do descenso e nós querendo meternos en Copa…”. Con retos dispares, pero as mesmas ganas sobre a pista, anticiparse ao rival facíase complicado.
Segundo narraba ao final do encontro Carlos Cantero, “aínda que a defensa era boa, si é certo que custaba anotar. Aínda que estiveses soa a man facíase pequena”.
O adestrador do Durán Maquinaria Ensino non quedou satisfeito coa arbitraxe desenvolvida por los colexiados do encontro. Ao final do encontro, traladou a súa queixa ante os medios de comunicación: “A arbitraxe non axudou en nada. Foi moi caseira”.
Estos son os conxuntos clasificados para a Copa da Raíña
O torneo do KO xogarase do 4-7 de marzo de 2021 nunha sede por determinar e será transmitido por Teledeporte. Oito son os conxuntos que loitarán polo primeiro título oficial do baloncesto feminino español de 2021. Os dous últimos conxuntos que se clasificaron foron o IDK Euskotren e as galegas do Durán Maquinaria Ensino.
♀ #LFEndesa | La #CopaReinaLFEndesa conoce ya a sus 8️⃣ CLASIFICADOS.@ibaetabasket y @EnsinoLugoCB conquistan las dos últimas plazas‼️
📝 MÁS INFO ⬇https://t.co/1pqV8FLSRX pic.twitter.com/uR2Ho89xmx
— Baloncesto España (@BaloncestoESP) December 12, 2020
