Rematou o parón para o Durán Maquinaria Ensino e o equipo dirixido por Carlos Cantero volve ás pistas. Por diante, o reto de rematar o curso nos playoffs e disputar a Copa da Raíña. “Imos entrar nunha parte moito máis difícil da tempada”, recorda o adestrador.
En nove días o Ensino terá tres partidos ante Bembibre, SPAR Girona e Cadi La Seu. Ademais, a próxima semana se coñecerán os cruces da Copa.
Ademais, a competición regular, a Liga Feminina Endesa está moi competida e todo apunta que a clasificación non se decidirá ata o final.
Este panorama é “unha situación moi complicada de xestionar e de planificar practicamente imposible. Agora imos entrar nunha parte moito máis difícil da tempada polo que se ve na clasificación, moitos equipos están cun, dous ou incluso tres partidos sen xogar. Vanse xuntar moitos partidos”, apunta Cantero.
Fisicamente, o Ensino non é un conxunto preparado para este ritmo de competición. “Xa sabemos que o noso equipo non está formado para xogar dous partidos á semana, iso non o estamos soportando moi ben, pero incluso así o estamos levando mellor que outros rivais directos”, sinala o adestrador lucense.
A clave para aguantar este ballón de duelos sen tempo para recuperacións é “coidar ás xogadoras nos adestramentos e comezar a planificar para chegar o mellor posible aos partidos. É o que estivemos facendo nas ultimas xornadas e non nos está indo mal. Pero sempre hai que ir xornada a xornada e con moito coidado”, insiste Cantero.
Compensando estes puntos débiles do Ensino está a paixón e gañas de competir das baloncestistas. “Veñen partidos, incluso a Copa, que da igual como esteas fisicamente xa que as xogadoras os queren xogar e iso está por riba de como estan fisicamente”, apunta o adestrador.
Na mesma liña do estado mental do conxunto, Carlos Cantero ve mellor ao seu plantel no ámbito moral e asegura que traballan coa tranquilidade de saberse nunha boa posición. “Doulle moita importancia ás vitorias e non tanta ás derrotas. Gañamos o dereito de estar nunha situación “cómoda” pero é certo que pola dureza da Liga, nesas posicións de playoffs da sexta, sétima, oitava e ata undécima está super reñido todo e un partido deixate máis arriba e outro máis abaixo. Temos que centrarnos en gañar o próximo partido”
Carlos Cantero, adestrador do Durán Maquinaria Ensino: “Doulle moita importancia ás vitorias e non tanta ás derrotas”
Polo de agora, o club lucense que adestra Cantero non fai cálculos na clasificación e só pensan en “preparar ben os partidos e pensar nestre dobre, triple empate que pode xurdir”.
Como beneficia ao Ensino a situación doutros equipos?
Esta irregularidade da tempada afecta tamén aos outros clubs da máxima categoría. A loita pola permanencia está moi igualada e moitos equipos daranno todo nas próximas semanas por salvar a división.
A “ansia” por vencer pode resultar beneficiosa nalgúns casos para o Ensino. Segundo apunta o seu adestrador este nerviosismo, “a priori pode perxudicar a equipos como Cáceres ou Zamora e non nos pode beneficiar no caso de Bembibre, que creo que estos partidos os xoga mellor pola experiencia que ten de verse cada tempada nesta situación, al menos nos últimos anos”.
Como reaccionarán o resto de conxuntos é algo difícil de predicir, pero algo do que Cantero está seguro é que o maior hándicap serán os duelos aprazados. “Un exemplo é o calendario de Estudiantes. Vai xogar sete partidos en 17 días. Hai equipos como Canarias, Cáceres ou Araski, que lles beneficia xogar contra un Estudiantes cansado e poden sacar unha vitoria que nós non sacamos”, expón o técnico lucense.
Pero o máis importante desde o punto de vista de Cantero é que “ao final dependemos de nós para cumprir obxectivos ambiciosos. Sempre se poden gañar ou perder máis partidos, pero creo que a tempada está sendo moi boa e estou moi contento de estar onde estamos”.
Carlos Cantero, técnico do Ensino: “É unha tempada atípica e ‘adulterada’ nun escenario que hai que aceptar. É inxusto pero á vez hai que dar as grazas de poder estar traballando e xogando”
A isto engade o feito de que, malia disputar unha tempada “atípica e “adulterada””, é un escenario que “haino que aceptar. É inxusto pero á vez hai que dar as grazas de poder estar traballando e xogando”.
