A seleccionadora Ana Junyer conta con Marta Canella e Helena Oma na súa convocatoria de preparación do Preolímpico de Austria. A viguesa e a xogadora do Durán Maquinaria Ensino traballarán para competir no 3×3 coa Selección Española.
O combinado estatal xa conta coas súas seis xogadoras inscritas, entre as que está a galega (Georgina Bahí, Marta Canella, Aitana Cuevas, Vega Gimeno, Paula Palomares e Sandra Ygueravide) e suma dúas baloncestistas como invitadas: Gracia Alonso e Helena Oma.
Junyer terá que seleccionar máis adiante a catro das oito xogadoras que conforman a convocatoria para o Preolímpico, que terá lugar en Graz (Austria), entre o 26 e o 30 de maio. Nesta competición o equipo español xógase un posto nos Xogos Olímpicos de Toquio 2021. O conxunto complétase con Vicente Sebastià como médico, a lucense Ana López como fisioterapeuta e María Reina como preparadora física.
A concentración á que acuden Canella e Oma comezará o 11 de maio en Valencia e tendra coo preparación a disputa de dous torneos do circuíto FIBA Women’s Series. O primeiro xogarase na sede da FIBA en Mies (Suíza), nos días 15 e 16 de maio. Tras o paso por Valencia, a Selección desprázase á localidade francesa de Voiron do 21 ao 22 de maio.
A partir do día 26 disputarase o Preolímpico, no que España compite no grupo D, con Italia, Suíza, China Taipei e Austria. Os dous primeiros equipos clasifícanse para os cuartos de final e os tres primeiros clasificados terán pasaporte para os Xogos Olímpicos.
O calendario da Selección 3×3
- 11 de maio – Inicio da concentración en Valencia
- 15 e 16 de maio – Women’s Series Mies (Suíza)
- 21 e 22 de maio – Women’s Series Voiron (Francia)
Preolímpico de Graz:
- 26 de maio: España vs Italia (17:15 horas)
- 26 de maio: España vs Suíza (18:55 horas)
- 28 de maio: España vs China Taipei (19:20 horas)
- 28 de maio: España vs Austria (20:35 horas)
