A Selección 3×3 do baloncesto español estará presente no Europeo de París. O cuarteto formado pola galega Marta Canella e as xogadoras Sandra Ygueravide, Vega Gimeno e Aitana Cuevas logrou a clasificación para o continental vencendo a Polonia no Preeuropeo de Tel-Aviv.
O equipo que quedou a só un triplo de estar presente nos Xogos Olímpicos volveu demostrar o seu alto nivel neste clasificatorio, con rivais de nivel similar e poucas pazas en xogo.
O 3×3 loitou ata o partido final
España completou o obxectivo nun día. A primeira hora da mañá, as vermellas competiron ante Grecia, vencendo cun 19-12, logrando así o pase ao cruce decisivo.
Canella e as súas compañeiras caeron ante Austria, nun encontro moi rifado e igualado, cuxo resultado final foi un 12-14. Con este balance, as españolas xogábanse todo ante Polonia, que viña de facer unha gran primeira fase.
A Selección 3×3 sabe desfrutar deste tipo de partidos determinantes, e cunha defensa espectacular fíxose coa vitoria (17-7) e o pase ao Europeo de Francia, que se disputará o vindeiro mes de setembro.
