Esta fin de semana, o pavillón municipal de San Fernando de Cádiz acolleu o Campionato de España sub17 de Halteroflilia, no que a galega Paula Canedo, estableceu dous novos récords estatais sub15. Cos seus resultados, a haltera do CH Coruña obtivo un triplo ouro.
Tamén logrou un triplo ouro a súa compañeira de club, Ruth Fuentefría pero nos 45kg. Así mesmo, volveron con medalla Jenifer Tocuyo, nos 55kg, acadando un bronce en arrancada, Laura Martínez, tamén cun bronce na mesma categoría pero nos dous tempos, Carla Cid, do CH Pabellón, cun bronce en dous tempos e dous pratas en arrancada e total olímpico, e Amy Abelleira, do CH Vigo, cunha triple prata nos 76kg.
Ver esta publicación en Instagram
A Selección Galega, que acudiu con 22 deportistas á competición, rematou en terceiro lugar, só superada por Cataluña e Canarias. O equipo masculino galego tamén acadou a posición de bronce, por detrás de Andalucía e Cataluña.
En total, 142 halteras en representación das federacións autonómicas acudiron á cita, aquelas que xa estableceran en fases previas ao campionato as marcas mínimas establecidas pola dirección técnica da Federación Española de Halterofilia. A Federación Galega foi a segunda máis numerosa do torneo, por detrás da anfitrioa, a Federación Andaluza.
Os resultados das halteras galegas e os récords de Canedo
Entre as halteras galegas, destacou Paula Canedo, cunha gran actuación nos 81 kg, na que realizou todos os seus seis movementos válidos e estableceu un récord de España sub15 en arrancada, con 68kg, e outro no total olímpico, con 150.
Ademais, as compañeiras e compañeiros de Canedo tamén acadaron grandes resultados. Estas son as súas marcas, na modalidade de arrancada, dous tempos e total olímpico:
- Cat 40 kgs
Laura Lejo CH Coruña 30(4) 37(4) 67(4) - Cat 45 kgs
- Lucía Lopez CH Coruña 39(7) 48(7) 87(7)
Ruth Fuentefria CH Coruña 59(ouro) 69(ouro) 128(ouro) - Cat 49 kgs
Iria Gerpe CH Coruña 37(5) 45(6) 82(6) - Cat 55 kgs
Carol Abeleira CH Coruña 45(8) 56(8) 101(8)
Jenifer Tocuyo CH Coruña 55(bronce) 62(6) 117(4)
Laura Martínez CH Coruña 45(7) 65(bronce) 110(7) - Cat 59 kgs
Carla Cid. CH Pabellón 56(prata) 63(bronce) 119(prata) - Cat 64 kgs
- Uxia Romero CH Pabellón 62(5) 76(6) (6)
- Cat 76 kgs
Amy Abelleira CH Vigo 66(prata) 86(prata) 152(prata) - Cat 81 kgs
Marta Cotos CH Pabellón 53(6) – –
Paula Canedo CH Coruña 68(ouro) 82(ouro) 150(ouro)
- Cat 49 kgs
Arís Salaño CH Coruña 53(4) 69(bronce) 122(bronce)
Tiago Larramendi CH Coruña 61(oro) 76(ouro) 137(ouro) - Cat 55 kgs
Darío Barros CH Coruña 66(prata) 81(4) 147(4) - Cat 61 kgs
Santiago Guerrero CH Coruña 73(4) 94(4) 167(4) - Cat 67 kgs
José París CH Coruña 77(6) 103(bronce) 180(6) - Cat 81kgs
José Gago CH Sulyos 75(11) 85(14) 160(13) - Cat 89 kgs
Cigan Zacarias CH Coruña 70(9) 80(8) 150(8)
Santiago Meneses CH Pabellón 92(4) 121(bronce) 213(bronce) - Cat 96 kgs
Anxo Taboada CH Pabellón 96(prata) 116(prata) 212(prata) - Cat +102 kgs
Alejandro Vidal CH Coruña 91(prata) 105(prata) 196(prata)
