O primeiro título da historia da Selección Española de fútbol sala nos Xogos Sordolímpicos de Inverno ten selo galego. Con España xogaban dúas deportistas de Galicia: Candela Soria, futbolista do Ourense OnTime, e Eva Dios, que milita no Dépor ABANCA.
Ambas as dúas futbolistas, que empregan audífonos para xogar e compiten ao máximo nivel nas súas disciplinas, acudían a esta cita deportiva convocadas pola Federación Española de Deportes para Sordos (FEDS).
Hat trick de Candela Soria na final ante Brasil
España vencía na final de futsalfem destes Xogos Sordolímpicos de Inverno a Brasil por un tanteo de 2-5. A competición tivo lugar en Turquía, en concreto en n Erzurum. Candela Soria asinaba un hat trick nesa final con tres goles. Sumaron os outros dous Estrella e Pilar.
🔴La @SEFutbolFem Sala de la @FEDSordos se proclamó ayer Campeona de los Juegos Sordolimpicos que se han celebrando en Erzurum (🇹🇷) al ganar en la Final a Brasil 🇧🇷 por 5-2.
🔴Enhorabuena!!👏👏👏
📺Mirad los goles de ESP con 3 de @CandelaSoria_2, Pilar y un golazo de Estrella. pic.twitter.com/7K6erXg7xs
— José Antonio Valle (@vallefutsal) March 12, 2024
A competición destes Xogos Sordolímpicos de Inverno no caso do futsalfem disputouse en Erzurum (Turquía). Houbo unha primeira fase con dous grupos que repartiu aos equipos do seguinte xeito:
GRUPO A
- Turquía
- Alemaña
- Polonia
- Gran Bretaña
- Kenya
GRUPO B
- Brasil
- Xapón
- Irlanda
- España
- Italia
Nesa fase de grupos España impúxose a Irlanda (1-17), a Italia (10-0), empatando con Xapón (3-3). Pola súa parte, Brasil, a outra finalista, gañaba a Xapón 3-0, a Italia 0-5 e a Irlanda 13-2.
Nesa primeira parte da competición, a fase de grupos, España impúxose a Brasil por 5-1 finalizando primeira no Grupo B con 10 puntos fronte aos 9 de Brasil.
España vence a Alemaña na semifinal
Para chegar a final, España vencía en semifinais a Alemaña cun tanteo de 8-4. Nese partido a Selección Española tivo que remontar un 0-1 inicial das xermanas. Ao descanso España xa estaba por diante no marcador cun 4-1.
O 4-2 chegaba por un despiste da zaga española, pero a as vermellas resarcíronse anotando catro goles en dez minutos e deixando sen opcións as xermanas (8-2). Con todo, Alemaña marcou dous goles máis e colocou o electrónico no final da semifinal destes Xogos Sordolímpicos nun 8-4 para España. Pola Selección Española marcaron: Candela Soria (2), Eunate (2), Eva Dios (2), Pilar (1) e Naroa (1).
Na súa semifinal Brasil vencía 1-4 a Gran Bretaña.
Xa no partido decisivo dos Xogos Sordolímpicos de Inverno a Selección Española vencía 2-5 a Brasil con ese triple acerto da galega Candela Soria. Deste xeito, o ouro foi para España, a prata para Brasil, o bronce para Alemaña.
🏆¡¡ESPAÑA SE PROCLAMA CAMPEONA DE LOS JUEGOS SORDOLÍMPICOS DE INVIERNO!!
👏La Selección Española de Fútbol Sala alzó el título tras firmar una actuación espectacular en Erzurum.
✅Se impusieron en la final a Brasil (2-5), alzando así el primer título de su historia. pic.twitter.com/xizcZQnwtB
— La Tarjeta Morada (@latarjetamorada) March 12, 2024
Candela Soria, xa foi internacional coa absoluta
A pivote Candela Soria (Ourense, 1988) milita na máxima categoría do futsalfem estatal nas filas do Ourense OnTime ás ordes de Raquel Mondo. A futbolista saíu da canteira do Cidade de As Burgas, antes de xogar no Ourense OnTime, militou tamén no Viaxes Amarelle mentres estudiaba INEF na Coruña.
Candela Soria foi internacional absoluta cando en 2022 recibiu a chamada de Clàudia Pons para competir coa Selección Española de Fútbol Sala.
Ao recibir aquela convocatoria coa Selección Española absoluta Candela Soria explicaba que empezou a xogar ao futsal con 7 anos “foi no colexio onde era a única rapaza”. Explicaba á RFEF nunha reportaxe que levaba audífono antes de xogar ao fútbol sala. Adapteime ben. Nunca tiven ningún atranco, non supuxo un impedimento. Con 5 anos perdo audición. Os audífonos fanme falta para poder escoitar non ao 100 por 100 pero si para facer vida norma no día a día. É algo que me axuda e me complementa”, explicaba á RFEF dalquela Candela Soria.
Eva Dios, unha arousana no Dépor
A deportista Eva Dios (Illa de Arousa, 2002) milita no Dépor ABANCA (2021-2024) ao que chegou procedente do Viajes Interrías FF (2018-2020). A deportista galega forma parte no primeiro equipo deportivista ás ordes de Irene Ferreras. Ten xogado na Primera Iberdrola, e agora é unha das futbolistas do equipo líder da Primera Federación, máximo aspirante ao ascenso. As deportivistas loitan por retornar á elite do fútbol estatal logo de quedar ás protas o pasado curso.
Antes de integrarse no primeiro equipo, Eva Dios xogou co Dépor ABANCA B (2020-2021) a arousana compaxinou o filial co primeiro equipo no ano 2021 .
ESPAÑA, MEDALLA DE ORO EN LOS JUEGOS SORDOLIMPICOS.
La selección femenina termina como campeona de fútbol sala en las sordolimpiadas que se están celebrando en Erzurum (Turquía) gracias a su victoria frente a Brasil por 2-5. @deportegob @Fundacion_ONCE @depespana pic.twitter.com/ezxkqICckm— FEDSordos (@FEDSordos) March 11, 2024
