Dúas fútbolistas galegas, Candela Soria e Eva Dios, repiten coa Selección Española de fútbol sala para persoas sordas que participará no Mundial desta disciplina. O Campionato do Mundo de fútbol sala para persoas xordas terá lugar do 14 ao 27 de xuño en Montesilvano (Italia).
Actualmente a Selección Española é a vixente subcampioa de Europa (2022) e campioas das sordolimpíadas de inverno celebradas en Turquía en 2024, nas que estiveron tanto Candela Soria como Eva Dios.
Candela Soria xoga no Poio Pescamar e Eva Dios no Dépor ABANCA
Candela Soria milita no Poio Pescamar de fútbol sala que xoga na máxima categoría do futsalfem estatal, a Primera Iberdrola FS. E ún dos cinco equipos galegos que compiten na elite de do fútbol sala estatal: Burela FS, Ourense OnTime, FSF Castro Bloques Cando, ENCE Marín Futsal, e o citado Poio Pescamar.
Eva Dios milita no Dépor ABANCA que tamén compite na máxima categoría pero nesta ocasión do fútbol 11, na Liga F. As deportivistas asinaron a súa permanencia na elite do futfem estatal un curso máis.
Sistema de competición do Mundial
Neste Mundial competirán unha dúcia de equipos. A competición será repartindo a esas 12 seleccións en tres grupos de catro equipos cada un. España fai parte do grupo B, xunto aos combinado de Brasil, Turquía e Irlanda. No grupo A están Italia, Suecia, Arxentina e Inglaterra. No Grupo C están Alemaña, Polonia, Hungría e Xapón.
Pasarán a cuartos de final as dúas primeiras seleccións de cada grupo, así como as dúas mellor terceiras clasificadas.
Publicamos la convocatoria de la selección española de categoría femenina que participará en el Campeonato del Mundo de Fútbol Sala para sordos, que se celebrará del 14 al 27 de junio en Montesilvano (Italia).@depespana @deportegob @FutSalRFEF pic.twitter.com/x1tMz3Qhua
— FEDSordos (@FEDSordos) June 4, 2025
