Tocáballe a Rocío Candal estar do outro lado do micrófono. Seguramente unha situación extraña para esta profesional do deporte, noutrora comunicadora, e que agora asume outro papel moi diferente. Desde a súa posición, como responsable do Dépor ABANCA, tivo que afrontar en rolda de prensa preguntas incómodas sobre polémicas como a marcha de Alba Merino do club.
Esta muller do deporte galego conta tamén con formación como adestradora (dispón do curso nacional de adestrador UEFA B) e a metade da tempada pasada asumía un rol completamente diferente á súa traxectoria profesional previa ao incorporarse ao organigrama do Dépor ABANCA.
Esta semana comparecía ante os medios xa como responsable do Dépor ABANCA e respondía ás preguntas dos medios, tamén a algunha que outra incómoda sobre temas polémicos.
Así foi a chegada de Rocío Candal ao Dépor ABANCA
“Desde o primeiro momento que mo traslada Carlos (Rosende) a min faime moitísima ilusión. Naquel momento eu estaba noutros proxectos profesionais. Desde o momento no que me expoñen unirme ao Deportivo ABANCA téñoo claro. Decido finalizar esas etapas que tiña abertas na miña carreira. E foi unha adaptación progresiva. Ao principio para asesorar á Secretaría Técnica. Despois, co paso dos meses, termino tendo ese cargo de responsable do Dépor ABANCA. Moi feliz, moi agradecida ao Club pola aposta que fixeron por min e agora súper comprometida co que vén por diante, que sabemos que vai ser una unha temporada esixente”.
“A miña función é ser responsable do Dépor ABANCA. Estou no día a día do primeiro equipo. Contamos tamén, dentro da estrutura, con outro persoal como Cris Oreiro, que, ademais de segunda adestradora, ten tamén a función de coordinadora de base. Estamos no día a día da Cidade Deportiva con Kevin Cabado, co adestrador do B, e sempre supervisando e con moita comunicación diaria para tentar que todo estea o mellor posible. Desde o día a día que estou no primeiro equipo até todo o que ten que ver co filial e con ese convenio de fidelidade co Orzán SD”.
“Miguel Llorente foi un profesional exemplar”, asegura Rocío Candal
Como non podía ser doutro xeito, Candal recibiu preguntas sobre cuestións polémicas vividas no club o pasado curso. Como o vivido coa figura do técnico, Miguel Llorente.
“A min pilloume entrando ao Club. Naquel momento eu estaba a asesorar á Secretaría Técnica en canto ao Dépor ABANCA. A miña función ía máis para o tema deportivo, para planificar a temporada 2022-23. Iso era un caso máis alleo ao puramente deportivo e como tal o Club tiña outros órganos que se encargaban dese tipo de investigacións, a ferramenta do Compliance”.
Segundo explicaba Rocío Candal: “O único que podo dicir é que o tempo que coincidín con Miguel Llorente foi un profesional exemplar. Non podo dicir nada negativo sobre a súa persoa. Despois tómanse decisións. Considerabamos que esa etapa fora tamén de moito desgaste e que o mellor era facer un cambio no banco”.
“De maneira consensuada entendiamos que esa etapa de Miguel Llorente no Dépor ABANCA xa concluíra por ese desgaste. Criamos que o idóneo a nivel deportivo era buscar unha alternativa, que viñese outra persoa e reiniciar un pouco o proxecto. Nesa liña chega Irene Ferreras e estamos encantados de que estea ela aquí tamén”.
Caso Adule
“Se algo ten este Club é unha estrutura que permite que cando se dan ese tipo de situacións todo estea máis ou menos controlado e haxa uns protocolos a seguir. E co caso de Adule é unha cuestión que lle toca máis a outros órganos do Club que máis directamente ao meu, que é puramente deportivo. É unha situación que queda xa atrás e desexámoslle moita sorte a Adule na súa nova etapa e agradecemento tamén polos meses que estivo aquí na Coruña”.
A marcha de Alba Merino
No caso da marcha da futbolista Alba Merino, Candal asegura que foron “decisións deportivas cento por cento. Aproveito desde aquí para agradecer o paso de Alba Merino polo Dépor ABANCA. Oxalá que entre as futbolistas que están actualmente haxa moitas con esa traxectoria tan boa, con ese historial tan bo”.
Segundo sostén Rocía Candal, no caso de Alba Merino, “como con outras xogadoras, houbo unha negociación. Esa negociación non chegou a bo porto. Entre esa reunión que ela mencionaba comigo e a reunión con David Villasuso, Alba rexeita dúas propostas do Dépor ABANCA. Non puidemos chegar a un acordo e desa maneira finalizou a súa etapa. Desde aquí desexámoslle moita sorte e que lle vaia todo moi ben no seu novo equipo”.
A xogadora, Alba Merino, contestaba así a estas declaracións a través da súa conta en Twitter:
Alba Merino siempre quiso quedarse en el Depor.
Alba Merino como cada año negocia su renovación, como cualquier jugadora.
El Depor paraliza la negociación con Alba Merino y lo siguiente que se le comunica es que no cuentan con ella.
Por lo demás, muchas gracias y forza depor! 💙 https://t.co/KJXmIsJaL2— Alba Merino Sánchez (@albameri10) September 7, 2022
Alba Merino di adeus ao Dépor ABANCA tras 4 anos: “Levantar a voz segue a molestar”
Incertidume no arranque da Primera Federación ao non saberse como será o segundo ascenso
