Lucía Alba García (Ponferrada, León, 28 de setembro de 1999) ampliou o seu compromiso co RC Deportivo ABANCA por unha temporada máis, até o 30 de xuño de 2024, tal e como informa o propio club coruñés.
A porteira berciana aterrou no Dépor ABANCA o pasado verán procedente do CDE Racing Féminas. Formada no CD Ponferrada (2014-2016) e o CD San Pío X valisoletano (2016-2017), ao comezo da campaña 2017-2018 incorporouse ao CD Parquesol, tamén da cidade do Pisuerga. No conxunto laranxa militou catro cursos, os dous últimos en Reto Iberdrola, competición na que acumulou 55 encontros nas 3 temporadas en que participou na mesma, a última co conxunto cántabro.
#ASNOSAS | Lucía prolonga o seu contrato co Dépor ABANCA até xuño de 2024 https://t.co/3iIMb7bkJg Grazas polo teu compromiso co #Dépor, Lucía! 💙 #ONosoCompromiso pic.twitter.com/twtJxUuh1a
— RC Deportivo (@RCDeportivo) February 1, 2023
A porteira branquiazul xogou 13 dos 18 partidos de Primera Federación FutFem do Dépor ABANCA no que vai de curso, todos como titular e completos, nos que só encaixou 7 tantos.
