Como si do peche dunha etapa se tratara, os campionatos de Galicia de pista cuberta Sub10, Sub12 e Sub14 serán os primeiros desta modalidade que abran a tempada baixo teito do atletismo galego, dándose a circunstancia de que foi o primeiro en aprazarse por mor das circunstancias sanitarias naquel xa lonxano 14 de marzo marcado pola pandemia de COVID-19.
Un importante número de atletas darase cita hoxe sábado 19 de decembro dende as 10.30 e ata as 21.00 horas en dobre xornada para tomar parte neste importante campionato que xuntará a máis de cincuenta clubs e Escolas deportivas da nosa Comunidade.
Os primeiros en tomar parte serán os Sub10 e Sub12 pola mañán sendo xa na tarde cando compitan os Sub14.
Destacada presenza de atletas nestes campionatos
Pese ás súas curtas idades tomarán parte nesta cita algúns dos gañadores e gañadoras da edición anterior que intentarán repetir novamente os mesmos éxitos. Entre eles e elas cabe citar a:
- Categoría Sub10. Pablo Barreiro do Pinarium nos 50 m. e 000 m. e Alba Vizoso do C.A.Sada nos 60 m.
- Categoría Sub12. Ismael García do Riazor Coruña nos 60 m; Hugo Casañas da Gimnástica en Peso; Bruno Castro do Ría Ferrol nos 60 m.; Xaquím Casal do Marineda en Altura, 60 m. e 1000 m.; Alma Bello de A Silva nos 60 m. e nos 500 m.; Lidia Balseiro do Maderas Barcia Lourenzá nos 500 m. e nos 1000 m.; Olivia Gutiérrez do A.F.Celta nos 1.000 m. e na Lonxitude; Antía Soto do AVA en 60 m. e na Lonxitude
- Categoría Sub14. Candela Sánchez do San Miguel de Marín nos 1000 m., Daniel Salgueiro do Coruña Comarca nos 60 m.; Javier Picos do Marineda nos 500 m.; Alex Sierpes do Trega nos 1000 m.; Carlos Campo do Maderas Barcia Lorenzá nos 60 valos e altura; Laura Sanz do Millaraio nos 60 m e 60 valos; Iria Solera do Ourense Atletismo en Altura; Celia Fernández do Riazor Coruña nos 60 m. e 500 m;
O campionato de pista cuberta vaise aproveitar para desenvolver unha nova xornada de probas de control de pista cuberta organizada pola Federación Galega de Atletismo na que intervirán os e as mellores especialistas galegos e galegas das distancias dos 60 m., 60 valos e 200 m.
Hornillos sobre os protocolos de prevención: “Non temos que baixar a garda”
Casualidades da vida ou non, o certo é que dende todos os estamentos do atletismo autonómico vexe con moito optimismo esta volta á competición invernal malia que, e segundo matiza Isidoro Hornillos presidente da FGA “Non por elo temos que baixar a garda, sendo a nosa obriga o adoptar todas cantas medidas sexan precisas para garanter o estrito cumplimento do protocolo elaborado por esta Federación e aprobado pola Xunta de Galicia”.
Nesta mesma medida o vicepresidente 1º da citada Federación e responsable do Comité COVID Eladio Gómez engadía: “Seguiremos cumprindo e facendo cumprir escrupulosamente o protocolo. É a única medida e ferramenta eficaz de poder seguir ca nosa actividade atlética nestes intres”.
Importantes medidas de control e seguridade para previr a COVID-19
Para facer posible este importante campionato, a Federación Galega de Atletimos advirte que se van adoptar “unha serie de medidas organizativas que garantirán en todo momento o cumplimento do Protocolo COVID. Para elo a primeira das mesmas é a de limitar oa máximo ao acceso de persoas por cada club, non estando permitida a entreda de público. De igual modo só se disputarán en Ourense as probas de concursos, velocidade e valos, desenvolvéndose o resto de probas de medio fondo e fondo (500, 1.000 m. e 2.00 m.) o vindeiro fin de semana nas pistas do CGTD de Pontevedra por non estar aprobado a disputa destas distancias en recintos cubertos”.
Poderase var na canle de Youtube da FGA ao vivo
A Federación estará retransmitindo e comentando en directo estes campionatos de pista cuberta para que todos cantos desexen seguilo o poidan facer a través da Canle Youtube da FGA durante as dúas xornadas, contando novamente ca locución do xornalista deportivo e membro da Asemblea Xeral da FGA Víctor Pérez Currás.
