Sétimo ano consecutivo no que Galicia será o emprazamento do baloncesto. A nosa comunidade albergará no vindeiro mes de xuño os Campionatos de España de Clubs en categoría Infantil como anuncia a través dun comunicado a Federación Galega de Baloncesto.
Neste 2020, as localidades de Betanzos de Marín, tanto en categoría feminina como masculina, recibirán na casa estas dúas citas. O que encherá a terriña do mellor Baloncesto Base entre os días sete e trece do vindeiro mes de xuño.
A provincia de Pontevedra volve a acoller a categoría feminina. Marín será o lugar por terceiro ano consecutivo marcándose cada tempada novos retos da man do Concello e o club local, Marín Peixe Galego. A competición masculina disputarase no concello de Betanzos organizado polo Club Santo Domingo de Betanzos.
En ambos os casos trátase dunha aposta en firme polo deporte de formación e por seguir dando a coñecer a capacidade organizativa dos clubs, entidades públicas e a propia Federación Galega de Baloncesto nun evento destas características. Precisamente en categoría infantil, Galicia leva xa seis anos de xeito interrompido.
Campionato de España de baloncesto Infantil Feminino
- 2013 – 2014: Pontevedra
- 2014 – 2015: Pontevedra
- 2015 – 2016: Pontevedra
- 2016 – 2017: Marín
- 2017 – 2018: Pontevedra
- 2018 – 2019: Marín
Campionato de España Infantil Masculino
- 2013 – 2014:Cambados
- 2014 – 2015: Cambados
- 2015 – 2016: Lugo
- 2016 – 2017: Cambados e Vilanova
- 2017 – 2018: Marín
- 2018 – 2019: Lugo
A desta tempada 2019-2020 será a XXXVI edición en femenino e a XLI en masculino. Disputándose ambas polos 32 mellores equipos de España na categoría, e supoñendo para as localidades organizadoras un compoñente deportivo e social de grande valor.
