Esta fin de semana toda a emoción e espectáculo dunha nova edición do Campionato Nacional de Liga na que tomarán parte tres equipos galegos con atletas femininas. Na máxima categoría do atletismo español, a Divisón de Honra, o Ría Ferrol aspira un ano máis a permanecer neste selecto grupo de equipos composto por dazaséis formacións.
Pola súa banda o Atletismo Femenino Celta e Sociedad Gimástica serán os nosos representantes na Primeira División neste Campionato Nacional de Liga.
As ferrolás buscan a permanencia na categoría de ouro
Segundo informa a Federación Galega de Atletismo o Ría Ferrol, que non chega no seu mellor momento (renunciaba fai unha semana a tomar parte no Campionato Galego de Clubs por varios casos COVID) tomará parte nunha fase tamén complicada no que se medirá ao At. San Sebastián e Grupompleo Pamblona, ambos por encima das ferrolás na clasificación final do ano pasado, polo que o obxectivo principal será superar canto menos, ao conxunto local do Super Amara Bat.
O ascenso a Honra será a meta da Gimnástica e do Celta no Campionato Nacional de Liga
Menos distancia terán que percorrer os dous equipos galegos femininos que tamén militan na primeira División Nacional, xa que o estadio pontevedrés do CGTD será quen de acollida a este primeiro encontro.
Sobre o sintético do Lérez, enfrontaranse por segunda vez en menos de dez días a Sociedad Gimástica e o Atletismo Feminino Celta que estarán acompañados polo Oviedo Atletismo e A.D.Marathon. É este último club precisamente o que parte como favorito logo de perder a categoría o ano pasado, polo que o conxunto asturiano pasa a ser o principal rival directo a batir dos clubs galegos.
