- Nin as restricións sanitarias, nin a ausencia de públic,o nin as limitacións das probas puido ca gran festa atlética que se viviu na calebración do Campionato de Galicia Sub-10, Sub-12 e Sub-14.
- Preto de 650 rapaces e rapaces aportaron moitas gañas e emocións a unha cita onde os auténticos protagonistas eran precisamente eles mesmos.
O recinto de Expourense acolleu o Campionato de Galicia de Pista Cuberta para as categorías Sub-10, Sub-12 e Sub-14 de atletismo. Moitas das persoas que competían nesta cita deportiva de base facíano por vez primeira, polo que suporá para elas e eles unha experiencia única que seguramente non esquecerán.
O Comité Galego de Xuíces estivo en todo momento pendente das nosas futuras e futuros campións, falando, explicando e contribuíndo cas súas indicacións a que esta xornada se convertira en todo unha motivación e incentivo para todas elas. Un primeiro paso na súa traxectoria competitiva no atletismo, pero, sobre todo, unha data para compartir momentos coas súas compañeiras e compañeiros e tamén para tentar vencer as rivais que tiñan na pista sen perder de vista o máis importante nestas idades: os valores educativos do deporte.
Moi pendentes tamén dende as bancadas se atopaban as verdadeiras/os formadoras/es e impulsoras/es destas novas promocións, os adestradores e adestradoras, contan desde Federación Galega de Atletismo (FGA).
Precisamente ao respecto do conxunto de adestradoras e adestradores destacan desde a Federación Galega de Atletismo: “O seu traballo contínuo e constante, na maioría das veces con escaseza de medios e cunhas situacións nada doadas para adestrar, fan posible que ano tras ano sexan máis os nenos e nenas que descubren o atletismo a través dun enfoque competitivo, formativo e educativo”.
No referente a competición, o de menos foron os resultados, aínda que se poideron observar excelentes cualidades en moita da rapazada participante que garanten canto menos un futuro esperanzador. Como se adoita dicir nestes casos: Hai canteira no atletismo galego!
LISTADO DE MEDALLISTAS POR PROBA
Hornillos: “O campionato foi un éxito”
Segundo o presidente da Federación Galega de Atletismo, Isidoro Hornillos “Dende a Federación tiñamos claro que este campionato era un dos máis importantes do calendario de pista cuberta. A imposibilidade de efectuar as competicións do Deporte Escolar da Xunta de Galicia, así como a realización da Liga ABANCA de menores que cada ano organiza a FGA xuntando a máis dun milleiro de nenos e nenas nas súas distintas fases e categorías, fixo que tivera máis importancia se cabe este campionato que volveu resultar todo un éxito”
Isidoro Hornillos, presidente da Federación Galega de Atletismo, destacaba: “A imposibilidade de efectuar as competicións do Deporte Escolar da Xunta de Galicia, así como a realización da Liga ABANCA de menores que cada ano organiza a FGA xuntando a máis dun milleiro de nenos e nenas nas súas distintas fases e categorías, fixo que tivera máis importancia”
CAMPIOAS DE GALICIA SUB-10
- 50m Belén Silva Atlética Val Minor
- Altura Rachel Ortiz Riazor Coruña
- Lonxitude Lena Curras At. Vila de Cangas
- Peso 1kg Olivia Casañas AT. Rías Baixas
CAMPIOAS DE GALICIA SUB-12
- 60m Alma Bello Atlética A Silva
- Altura Irene Méndez At. Femenino Celta
- Lonxitude Antía Soto Viguesa de Atletismo
- Peso 2kg Sara Caamaño Atlética Barbanza
CAMPIOAS DE GALICIA SUB-14
- 60m Tsehay Iglesias Riazor Coruña
- 60m valos Celia Fernández Riazor Coruña
- Altura Iria Solera CD La Purísima
- Pértega Helena Bello At. Vila de Cangas
- Lonxitude Celia Fernández Riazor Coruña
- Triplo Salto Iria Solera CD La Purísima
- Peso 3kg Antía Otero Club Atletismo Narón
CONSULTA OS RESULTADOS DO CAMPIONATO DE GALICIA SUB-10 SUB-12 E SUB-14
Revive na canel da Federación Galega de Atletismo a competición da mañá
Revive na canel da Federación Galega de Atletismo a competición da tarde
