O baile xa é complicado de por si para facelo sobre patíns. Pero en Galicia, o patinaxe artístico ten moito tirón. O pasado 29 de febreiro, a cidade de Tui acolleu o Campionato Galego Show en categoría nacional tanto en modalidade júnior e cuarteto.
A cita estaba organizada polo Club de Patinaxe Artístico Ríbex. O campión en cuarteto foi o veterano C.P. Gondomar. A segunda e a tercera praza quedou en Arteixo para os clubes Axel Arteixo e o Fervello.
Nesta modalidade deportiva nada é secundario. Tanto a vestimenta como a música suman a hora de facer a coreografía. Nestas dúas categorías a diferenza principal mídese no número de participantes e na idade.
Os cuartetos parten de catro patinadoras ou patinadores na pista con suplentes. Todos teñen unha idade de doce para adiante. No caso dos show júniors son un mínimo de oito e un máximo de doce con nenas e nenos de idades comprendidas entre os 12 e os 17 anos.
Gondomar, campión en cuarteto
As veteranas en show e subcampioas do mundo na categoría show pequeno en 2019, o C.P. Gondomar, proclamáronse campioas na modalidade de cuarteto. O segundo e o terceiro chanzo partiu para a provincia coruñesa grazas os clubs C.P. Axel Arteixo e o Club Deportivo Fervello.
A rivalidade esta presenta na pista. Ambos equipos son do mesmo concello. As primeiras son veteranas na categoría de cuarteto. O Fervello eran debutantes por primeira vez nesta modalidade. Isto permítelles estar no Campionato de España deste deporte.
“No meu cuarteto hai tres rapazas de idades moi pequenas. Son moi competitivas e loitadoras. Inicíabanse nesta competicións medíndose con clubes con moita experiencia xa que levan moitos anos competindo. Un gran mérito para elas”, comentaba María Bilbao, unha das integrantes do Fervello, para As Nosas.
Condado, campión en show júnior
Os méritos para este club non quedaron ahí. En show júnior en categoría autonómica acadaron unha sexta posición. O primeiro posto neste caso sería para o C.P. Condado. Seguido do Alquimia, Ribex, Brincadeira e o Axel Arteixo.
Punto final a unha proba que demostrou unha vez máis a calidade e o seguimento dun deporte que na nosa comunidade vai sobre rodas.
