O próximo domingo, 21 de marzo, a cidade da Coruña acollerá a celebración do Campionato Galego Sénior, Máster e de Para-Karate da tempada 2020-2021. A competición terá lugar no Pavillón coruñés do Barrio das Flores a partir das 17:00 horas.
Debido á situación de pandemia de COVID-19 que se está a vivir en Galicia, nesta cita deportiva non se permitirá o acceso de público como medida de prevención de transmisión do virus. Así e todo, a competición deste Campionato Galego Sénior, Máster e de Para-Karate da tempada 2020-2021 poderá seguirse en directo a través da canle de You Tube da Federación Galega.
Segundo informa a Federación Galega, esta cita competitiva de caracter autonómico contará coa participación de 33 deportistas pertencentes a 18 clubs federados, procedentes de Galicia, Asturias e Madrid. A representación local corresponderá á Escola de K. LN.
As modalidades de competición serán Kata (técnica), Para-Karate (diversidade funcional) e Kumite (combate).
