Vera Bouza, natural de Narón, foi a segunda clasificada na disputa do 47º Karting A Pastoriza na categoría X30 Junior.
O domingo 2 de agosto tivo lugar por terras lucenses o 47º Karting A Pastoriza. A cita constitúe a terceira proba do calendario do Campionato Galego de Karting 2020.
A clasificación final da categoría X30 Junior encabezouna Christian Domínguez Sendón, que forma parte da escudería Iván Domínguez Marquez. Seguiulle no podio ocupando o segundo lugar Vera Bouza, de As Pontes Motorsport, aos mandos dun OTK FA.
A pilota galega está patrocinada por Corgal Automóviles e atópase no primeiro posto no ránking galego de karting da súa categoría X30 Junior segundo se recolle na clasifación publicada pola Federación Galega de Automobilismo.
A seguinte proba do campeonato terá lugar de novo no circuíto de A Magdalena o vindeiro 30 de agosto. Nesa mesma pista a pontesa Vera Bouza fixo un bo papel o pasado 19 de xullo, polo que podería seguir sumando puntos para se afianzar no alto da clasificación autonómica na súa categoría.
