A Coruña acolle hoxe unha cita destacada do calendario atlético galego. Trátase dunha proba do Campionato de Galicia Sub 18 de Atletismo en pista cuberta.
A competición terá lugar no Pazo dos Deportes de Riazor hoxe, sábado 8 de febreiro, a partir das 10:45 e ata as 19:30 horas, en disputa, o Campionato Galego Sub 18 de Atletismo para pista cuberta.
Lucía Sánchez, do Atlética Lucense, destaca no salto de altura
Serán un total de 312 actuacións as que tomen parte nesta cita autonómica na que, na pértega, será a representante do ADAS Proinor Lola Bouza quen asuma o protagonismo da proba. O seu obxectivo será saltar sobre os 3.30 metros.
No sector dos saltos Samuel Castedo do Atletismo Friol intentará estar por riba dos 1.88 m. na colchoneta de altura ó mesmo que Lucía Sánchez del Valle da Atlética Lucense quen intentará mellorar o 1.65 m. logrados do pasado 25 de xaneiro en Lugo.
Ollo ao duelo entre Diallo Chao e Alba Cuns en tripo salto
Momento importante será o comezo do triplo feminino as 17:00 horas onde veremos compitindo a dúas importantes saltadoras Dialloo Chao do RIA Ferrol e Alba Cuns do atletismo Negreira (que tamén concursará na lonxitude). A ferrolá acude cun rexistro este ano de 12.12 m. polos 11.93 m. da negreiresa, que fan que a emoción e a expectáculo estén garantidos.
Compre destacar a presenza do atleta internacional do Real Club Celta David Ngwudile que tomará parte na proba dos 400 m. onde se achega cun rexistro nesta tempada de 50.34. O líder nacional do ránking dos 1.500 m cun rexistro de 3:59.68 Pedro Vázquez do Celta, estará na línea de saída na proba dos 800 m. onde se enfrontará nunha emocioante proba a Iker González da Atlética Lucense quen acredita 1:59.32 e onde todo está por decidir.
Para rematar non pasamos por alto os lanzamentos onde tamén veremos probas moi interesantes. Destacado concurso feminino o que a bo seguro ofrecerán Paula Piñón do A.F. Celta que vén cunha marca de 12.86 m. do ano pasado, e que estará compitindo ca internacional do RIA Ferrol Antía Sestelo e a tamén departamental Xiana Lago.
Na categoría masculina o círculo de peso estará ocupado por Samuel Lema do Atletismo Negreira que este ano quedaría a tan só 5 cm. da barreira dos 14 m.
