O Cambre trunfa ante o Miralbueno de Zaragoza con 2 vitorias

O CBS Cambre recibiu en casa ao Miralbueno de Zaragoza contra o que sumou dúas vitorias contundentes. Os resultados da dobre xornada deixan ver a un conxunto galego claramente superior, que dominou de principio a fin. O primeiro partido saldouse cun 12-1 e o segundo cun 11-0.

Esta é a segunda tempada das xogadoras mañas na División de Honor, cun equipo xove e inexperto, pero con moita enerxía e paixón nas súas filas. Con todo, a súa motivación non foi suficiente para facer fronte ás cambresas. As representantes galegas na máxima categoría do sóftbol español fixeron gala do seu mellor xogo para puntuar na súa casa.

CBS Cambre vs Miralbueno / CAMBRE — Partido do Club Béisbol Sóftbol Cambre ante o Miralbueno / CBS CAMBRE

O CBS Cambre non deu opcións ao conxunto do Miralbueno

No primeiro partido desta nova xornada na SSL, Laura Otero controlou ás bateadoras visitantes con nove despachadas pola vía directa. A súa gran actuación foi a base do xogo local, con tres strikeouts seguidos para inaugurar o encontro. Laura Otero foi ademais a primeira xogadora galega en conseguir un dos 8 hits do seu equipo.

O equipo do Miralbueno cometía fallos en defensa que permitiron que os dous singles de Laura Otero e de Laura Paz convertiran o marcador no 6-0 para pechar o segundo inning.

Pola súa banda, Susana Amar cargou coa metade das carreiras ata o momento, pero no terceiro inning o triplo de Irene Vila, o dobre de Adelaida Soengas e o sencillo de Laura Paz ampliaron a renda do Cambre a un 9-0. O conxunto visitante loitou por manterse con vida no partido e anotou un punto coa carreira impulsada por Claudia Carmona tras o dobre de María Pinilla.

Porén, o triplo de dúas carreiras de Noemí Cortés fixo rematar o encontro no cuarto inning cun resultado final 11-1.

Podes revivir o partido retransmitido vía streaming nesta ligazón:

No segundo encontro o guion mantívose sen cambios

O segundo duelo desenvolveuse sen sorpresas. A tónica do encontro foi a mesma da vivida no primeiro partido, cun control total das galegas. Nesta ocasión Laura Otero cedeulle o mando a Leonella Elizabeth, quen se convertiu na protagonista do terreo de xogo. Tamén destacou Marta Rey pola súa velocidade nas bases para desestabilizar ás rivais.

Os hits do CBS Cambre convertíronse en carreiras aproveitando os erros defensivos do Miralbueno. Só cinco das once carreiras das galegas foron limpas.

Elizabeth non deu opcións ás bateadoras de Zaragoza, eliminando a once de doce por strikeout e completando desta forma o seu primeiro no hit no run (non permitindo ningunha carreira nin ningún batazo bo) da presente campaña.

Os ataques locais enfrontáronse a María Pinilla, quen permitiu catro hits, os dous primeiros de Laura e Paula Paz no primeiro inning, que finalizou cunha vantaxe do Cambre por un 4-0. As amarelas foron selectivas co bate e recibiron tres pasaxes a primeira no turno.

As bateadoras do conxunto do Miralbueno non atopaban a clave do partido, mentres que Elizabeth no Cambre controlaba como quería os tempos. No terceiro inning a xogadora do club galego resolvía o partido convertindo dous hits, un single de dúas carreiras de Cortés e de tres de Fátima Núñez. Co 11-0 definitivo tras catro erros favoreceron o knochout.

Podes volver a desfrutar do partido vía streaming dándolle ao play nesta ligazón: