Entre os actos que o Concello de Cambre dispuxo para conmemorar o Día da Muller hai prevista unha homenaxe á deportista do municipio Paula Medín. Se ben as actividades que o municipio coruñés artellou co gallo do 8M empezaban hoxe, a competición fai que a homenaxe a esta cambresa ilustre se adíe ata o luns 9 de marzo.
O salón de plenos acogellerá o vindeiro luns ás 12:00 horas, un acto en homenaxe a unha das deportistas máis destacadas deste municipio: Paula Medín, conocida polo alcume de Alevín.
Trátase dunha deportista nada en Cambre no ano 1984 que é un auténtico referente do rugby, non só para as xeracións actuais senon tamén para as futuras. Ennumerar todos os seus logros deportivos é misión imposible, pero no seu palmarés destacan desde o Concello de Cambre os seguintes hitos:
- 4º no Campionato de Europa Rugby 7.
- Participou nas World Series de Rugby 7.
- 2º no Campionato de Europa de Rugby 7.
- Campioa de Europa Rugby XV.
- Campioa do Mundo Rugby Seven Universitario.
O seu talento nesta modalidade deportiva levouna a participar nos Xogos Olímpicos de Río 2016. Agora, como parte de la Selección Femenina de Rugby de España XV, a cambresa está preparándose para o Rugby Europe Women’s Championship. Precisamente nesta fin de semana ten compromisos coas Leonas no combinado estatal.
