Un cambio de datas e escenario da FINA acaba de lle dar unha alegría e maiores oportunidades deportivas á nadadora María de Valdés. Por mor da coincidencia de datas, a deportista do CN Liceo tiña diante de si o dilema de elixir se acudir ao preolímpico de augas abertas para tentar acadar praza nos Xogos de Toquio, ou disputar o Campionato de Europa. O cambio anunciado pola Federación Internacional de Natación permítelle estar nas dúas citas. “Estou moitas ganas de competir en ambas disciplinas”, declarou a As Nosas.
A Federación Internacional de Natación (FINA) ven de tomar a decisión de cancelar os Preolímpicos de saltos, natación artística e augas abertas de Xapón. Este cambio vese motivado polas novas normas de seguridade sanitaria por mor da COVID-19 establecidas polo goberno nipón.
O campionato desta última proba, que da os billetes a Toquio 2021, tería que se disputar entre o 29 e 30 de maio, e a el ía acudir María de Valdés, nadadora do CN Liceo. Finalmente, a organización internacional celebrará o clasificatorio en Setúbal (Portugal) no 19 e 20 de xuño. Desta forma, a localidade lusa acolle por terceira vez unha competición preolímpica de augas abertas, con 2012 e 2016 como precedentes.
María de Valdés non é a única española que estará presente no Preolímpico. A nadadora Paula Ruíz tamén competirá por un posto nos Xogos Olímpicos de Toquio 2021. Porén, só poderá pasar unha delas, a mellor clasificada, e sempre e cando quede entre as 10 primeiras europeas.
María de Valdés competirá no Europeo antes do Preolímpico
Con todo, esta nova ten unha parte positiva para a nadadora malagueña do CN Liceo. Co cambio de datas, o Preolímpico xa non entorpece a preparación e participación no Campionato Europeo. Desta forma, María de Valdés non terá que elixir entre un dos dous e poderá estar en ambos os dous torneos, polo que a súa traxectoria deportiva non se verá afectada por coincidencia de datas.
Preguntada por As Nosas sobre este cambio de plans na súa axenda, a deportista do CN Liceo afirma que “o afrontei ben e con moitas ganas de competir en ambas disciplinas”. Este será o seu debut no Europeo de piscina.
María de Valdés: “Afronteino ben e con moitas ganas de competir en ambas disciplinas”
A principios deste mes, María de Valdés explicaba nunha entrevista a este medio que debido ás datas establecidas orixinalmente, ela e o seu equipo tiveron que decantarse polo Preolímpico. “Faime ilusión ir ao meu primeiro europeo de piscina, pero teño que decidir porque coincide coa planificación para o Preolímpico de augas abertas. Entón, o plantexamento que temos é ir a tope con augas abertas, centrarme niso e a ver se sae a xogada que temos”, explicaba. Agora xa non terá que decidir, e a andaluza poderá sumar unha competición máis ao seu calendario e, de seguro, ao seu palmarés.
María de Valdés: “Estou na miña mellor forma física e mental”
