A Real Federación Española de atletismo facía público recentemente o calendario nacional de probas que foi aprobado polos seus órganos de goberno. Este calendario é o punto de partida para “unha tempada que comeza con non poucas incertezas, restricións e adiamentos“, tal e como apunta a Federación Galega de Atletismo.
Este calendario recolle máis de duascentas probas de todo o Estado, varias das cales corresponden ás que se organizarán na nosa comunidade, ainda que todo elo loxicamente, pendente sempre da evolución da situación sanitaria por mor da pandemia de COVID-19.
As probas galegas do calendario da RFEA
A cidade da Coruña está incluida cas súas catro importantes clásicas como son a XIII Media Marathon A Coruña 21; o 18 de abril ca XV Carreira Popular A Coruña10; o día 5 de xuño co G.P. Internacional de Marcha Cantones da Coruña -G.P. Sergio Vázquez rematando o día 3 de outubro ca celebración da IX Marathon A Coruña 42.
Esta mesma semana o Concello da Coruña comunicaba o adiamento da XIII Media Marathon A Coruña 21, prevista para o 14 de febreiro, sendo unha incertidume o que poida acontecer ca Coruña10.
Aprázase a celebración da XIII edición da media maratón Coruña21
Outras das citas importantes do calendario nacional, serán as probas do IX Trofeo Alfonso Posada que acollerá Balaídos o día 26 de xuño, e a clásica XXXIX Carreira Popular de Negreira que volverá a percorrer as rúas do concello negreirés o 14 de novembro.
Citas nacionais e internacionais que contarán con galegas
Apunta Federación Galega de Atletismo que para o atletismo galego outras datas importantes a ter en conta de rango nacional serán a celebración do nacional absoluto de pista cuberta disposto para os días 20 e 21 de febreiro en Madrid, organizándose unha semana máis tarde, o día 28 de febreiro, o nacional de campo a través individual e por Federacións ainda sen sede. Para rematar, o nacional absoluto de aire libre da RFEA está fixado para os días 26 e 27 de xuño no concello madrileño de Getafe.
A nivel internacional a localidade polaca de Turun será quen organice do 5 ao 7 de marzo o Campionato de Europa de Pista cuberta que servirá como importante test para a gran cita do ano que durante os días 30 de xullo ao 8 de agosto convertirán a Tokio no gran centro de atención mundial co desenvolvemento dos agardadísimos Xogos Olímpicos.
