A tempada 2026-2027 comezará cun tinte favorable para as herculinas do Dépor ABANCA: xogarán o primeiro partido en casa.
A primeira xornada da Liga F recolle o encontro entre o Dépor ABANCA e o Sevilla FC, o domingo 30 de agosto no estadio municipal ABANCA-Riazor. Na liga pasada, o club andaluz quedou por enriba das galegas, na oitava posición respecto á duodécima.
As seguintes dúas xornadas serán sen dúbida un desafío. As branquiazuis veranse as caras o 6 de setembro contra o CD Tenerife, terceiras da anterior clasificación, e o 13 de setembro contra o Real Madrid CF, segundas da mesma. Dos catro partidos celebrados contra eles, só un deles non resultou en derrota; empataron 1-1 co Tenerife o 11 de xaneiro. Estes encontros servirán de guía para avaliar o desempeño do cadro coas novas adquisicións.
O Dépor ABANCA vs FC Barcelona será en novembro
Outra data a gardar será o 15 de novembro, día en que Dépor ABANCA enfrontarase ao FC Barcelona no ABANCA-Riazor. O conxunto blaugrana leva sendo o campión invicto da Liga F dende o 2019, engadindo tamén victorias consecutivas na Women’s Champions League, na Copa da Raíña e na Supercopa de España.
Isto é consecuencia dun cadro con xogadoras como Aitana (balon de ouro nos anos 2023 e 2024) unha das figuras máis coñecidas no fútbol feminino internacional. A cita de novembro amosará un Dépor ABANCA reformado en oposición a un FC Barcelona chamado a seguir sendo o equipo diferencial na Liga F.
Bateranse de novo as blaugranas e as branquiazuis no último partido da tempada, será o 23 de maio de 2027. Para entón, a aliñación deportivista terá utilizado máis tempo en adaptar os seus cambios. É posible entón que os resultados sexan distintos respecto á primeira ocasión, esta vez no Estadio Johan Cruyff da capital catalana.
Para ver o calendario enteiro de partidos do Dépor ABANCA na tempada 2026-2027 na Liga F, podes consultar esta ligazón: https://www.rcdeportivo.es/gl/calendario-depor-abanca
