A Real Federación Española de Fútbol acolleu este mércores, 16 de setembro, o sorteo do calendario oficial da Primera Iberdrola. O Depor Abanca comezará a campaña 2020-21 na Primera Iberdrola contra o Athletic de Bilbao Femenino.
O acto celebrouse no Salón Luís Aragonés e no Salón Vilalonga, onde estiveron as internacionais da Selección feminina, Amanda Sampedro, Alexia Putellas, Ivana Andrés e Mariasun Quiñones para extraer as bólas.
A competición conquistada na súa última edición polo FC Barcelona estará composta por dezaoito equipos na súa estrutura, xa que na anterior tempada non houbo descensos, pero se ascensos. O campionato dará comezo o próximo 4 de outubro.
Podes ver o calendario completo nesta ligazón.
O Depor Abanca comezará a Primera Iberdrola contra o Athletic de Bilbao Femenino
O primeiro partido das xogadoras do Dépor ABANCA que adestra Manu Sánchez será o 3 ou o 4 de outubro en Lezama contra o equipo vasco do Athletic Club de Bilbao Feminino.
As branquiazuis buscarán comezar cunha victoria que lle dea folgos para afrontar a súa segunda tempada na elite con bo pé. O RC Deportivo presenta un plantel renovado para este curso 2020-21.
O primeiro club en visitar a Cidade Deportiva de Abegondo neste campionato de Liga será a Real Sociedad. O partido está previsto para a fin de semana do 10-11 de outubro, data na que se encadra a segunda xornada. É dicir, que as branquiazuis empezan contra dous equipos potentes nesta Primera Iberdrola.
Hai que lembrar que, debido á pandemia da COVID-19, o pasado ano non se produciron ascensos nin descensos desde a Liga Reto Iberdrola, polo que a categoría está conformada polos mesmos 18 equipos que o curso pasado.
