O outono vén de comezar e o ciclocrós comeza a pedir a paso. A conta atrás para o inicio da Copa Galicia de CX entra no seu treito final. O calendario do último certame autonómico do ano arranca o sábado 11 de outubro co VIII Trofeo Ciclocrós Avanza – Concello do Porriño, a primeira das dez xornadas puntuables. Xa te podes inscribir para a cita inaugural.
Durante dous meses a actividade será intensa grazas ao esforzo dos clubs organizadores para sacar adiante os seus eventos. Despois da proba porriñesa, na véspera da Copa de España do día 12 en Marín, a competición continuará en outubro co VIII CX Concello de Betanzos, o sábado 18, e o II CX Concello de Taboada, o domingo 26.
Dúas fins de semana concentran as citas en novembro. O día 8 e o 9 disputaranse o XXVII Trofeo Montes de Eiras no Rosal e o IV Trofeo CX Grupeta Pan de Zarko – Vila do Porriño, mentres que o 29 e o 30 chegará a quenda do V CX Concello de Nigrán – ZFV Porto do Molle e do V CX Borja Gómez Méndez en Ponteareas.
A nómina de líderes finais quedará definida na primeira quincena de decembro. A decana do ciclocrós galego, o XXXVIII CX Concello de Boiro, mantense na súa tradicional data do 6 de decembro e 24 horas máis tarde a acción regresará no IX CX Val de Esmelle en Ferrol.
A clausura da Copa Galicia terá lugar o domingo 14 no CX Concello de Viveiro, o que supón o regreso da Mariña Lucense ao calendario de CX, segundo informa a Federación Ciclismo Galego.
CALENDARIO DA COPA GALICIA DE CICLOCRÓS
- 11/10 – VIII Trofeo CX Avanza – Concello do Porriño (Avanza, A.D)
- 18/10 – VIII CX Concello de Betanzos (Caimanes Betanzos, C. BTT)
- 26/10 – II CX Concello de Taboada (Chantadino, C.C.)
- 8/11 – XXVII Trofeo Montes de Eiras (O Rosal, C.C.)
- 9/11 – IV Trofeo CX Grupeta Pan de Zarko – Vila do Porriño (Grupeta Pan de Zarko, C.)
- 29/11 – V Ciclocrós Concello de Nigrán – ZFV Porto do Molle (Coruxo, C.C)
- 30/11 – V CX Borja Gómez Méndez (Lynalfa-Ponteareas, C.C.)
- 6/12 – XXXVIII Ciclocrós Concello de Boiro (Barbanza, C.C.)
- 7/12 – IX Ciclocrós Val de Esmelle (Esmelle Club)
- 14/12 – Ciclocrós Concello de Viveiro (Gráficas Lar, P.C.)
