Os nove equipos galegos da categoría de bronce do fútbol xa coñecen o seu calendario para tempada que comeza en pouco máis de dúas semanas. A RFEF vén de aprobar os calendarios completos da Primeira Nacional Feminina de Fútbol para a tempada 2020-2021. Todos os grupos e subgrupos comezarán a competición a fin de semana do 17 e 18 de outubro.
Un total de 7 grupos forman esta categoría, a terceira do fútbol feminino español. Esta campaña 2020-2021 chega coa novidade de que tres dos grupos (o 1, 2 e 6) dispoñen á súa vez de dous subgrupos, mentres que os grupos 3, 4 e 7 formaranse con grupo único.
Todos eles arrincarán como data oficial o próximo 18 de outubro e estenderanse ata o 21 de marzo no caso dos subgrupos e o 30 de maio os grupos 3, 4 e 7.
Galicia estará representada este curso por un total de 9 equipos, que forman o Subgrupo A do Grupo 1. Son os seguintes:
- Sárdoma CF
- RC Deportivo Abanca B
- Atlético Arousana
- CD Valladares
- Victoria CF
- Umia CF
- Viajes Interrías Fútbol Femenino
- Victoria FC
- UD Mos
PETER LION
Podes consultar o calendario deste Subgrupo A do Grupo 1 picando na seguinte ligazón: GRUPO 1-SUBGRUPO A
Podes consultar o calendario completo de todos os grupos e subgrupos picando na seguinte ligazón: PRIMEIRA NACIONAL FEMININA
