Na Primeira División Feminina Grupo A do voleibol estatal, o Calasancias da Coruña vencía como local ao Universidad de Valladolid cun traballado 3-0 (25-22/25-23/25-16)
Pese a levarse o partido en tres sets, as herculinas do Club Deportivo Padre Faustino tiveron que pelexar duro cada un deles. No primeiro impuxéronse cun tanteo de 25-22. O segundo, aínda máis axustado, caeu tamén do bando do equipo galego 25-23. O terceiro e definitivo periodo foi máis claro para as locais que levaban o set na Polideportiva do Barrio das Flores cun 25-16.
As coruñesas do CV Calasancias lograban asinar así un 3-0 diante dun equipo da zona media-alta da táboa clasificatoria. As vallisoletanas non puideron levarse os tres puntos de terras galegas.
As coruñesas teñen a súa próxima cita o vindeiro domingo día 13 de decembro ás 11:30 horas visitando o Pavillón La Cantábrica para medirse ao CD Voleibol Astillero.
As próximas rivais das galegas perdían na cancha do colista, D,Elhuyar, nun disputado partido da zona baixa que chegou ao quinto set: 3 – 2 (26-24/12-25/28-30/25-18/19-17). As coruñesas deberán gañar en terras cántabras para poder poñer terra de por medio co Astillero e a zona máis perigosa da clasificación.
Agora mesmo, as xogadoras galegas do Calasancias son terceiras pola cola pero empatadas a seis puntos co Universidad de Salamanca.