- As 15 mellores embarcacións galegas competiron na enseada do Orzán pola Bandeira do Teresa Herrera de traiñeiras, unha prestixiosa regata con anos de historia na cidade da Coruña que contou con unha grande afluencia de público nesta edición de 2022.
A embarcación de Samertolameu na categoría masculina, e a do CR Cabo da Cruz na feminina, acadaron o triunfo na triséximo sexta edición da Bandeira Teresa Herrera masculina de traiñeiras e nas sexta edición feminina. Esta mañá celebrouse esta tradicional proba, unha das máis veteranas do calendario deportivo coruñés, na enseada do Orzán.
A clasificación feminina rematou coa embarcación do CR Cabo da Cruz primeira, logo: CR Chapela – Wofco, CM Mugardos – A Cabana Ferrol, CR Rianxo e SD Tirán – Pereira.
🏆 Clasificación do VI Trofeo, final da 3ª Bandeira Teresa Herrera Feminina:
1. CR CABO DA CRUZ – 23:19
2. CR CHAPELA – WOFCO – 23:53
3. CM MUGARDOS – A CABANA FERROL- 24:20
4. CR RIANXO -24:48
5. SD TIRÁN – PEREIRA – 25:05#TraiñeirasCoruña #THTraiñeiras pic.twitter.com/qJF7aXYZoF— A Coruña Deportes (@coruna_deportes) August 28, 2022
CR Cabo da Cruz adxudicárase a LGT nas regatas do sábado
O evento congregou a milleiros de persoas ao longo do Paseo Marítimo coruñés, tanto nesta xornada como na do sábado, cando se decidiu o título da Liga Galega de Traiñeiras (LGT) durante a ronda clasificatoria do Teresa Herrera, que foi tamén para estes dous conxuntos, que se levaron a camisola amarela nas categorías masculina e feminina.
Hoxe, domingo 28 de agosto, a xornada comezou coa tradicional ofrenda á xente do mar.
🌊 Durante a xornada final da Bandeira Teresa Herrera tivo lugar a tradicional ofrenda á xente do mar.
Moi emotiva 👏#TraiñeirasCoruña #THTraiñeiras pic.twitter.com/nT0i9sYzNQ
— A Coruña Deportes (@coruna_deportes) August 28, 2022
A continuación disputáronse as regatas feminina e masculina, nas que participaron as 5 e as 10 mellores embarcacións do sábado, respectivamente. A competición foi moi emocionante e amosou a gran calidade das augas coruñesas para este tipo de deportes, que xa forman parte da tradición da cidade da Coruña cada verán.
