O Pescados Rubén Burela FS e o Cidade de As Burgas veránse as caras no derbi irmandiño deste sábado ás 17:00 horas na Bomboneira no partido correspondente á xornada 19 de Primeira. O partido será un duelo de contrastes entre a segunda praza mariñá e a antepenúltima das ourensás. A pesar diso, as verdes chegan tras unha gran vitoria ante o Zaragoza. A xente que non poda acudir ao espectáculo do derbi irmandiño en Burela, poderá seguirse en directo por TVG2.
O conxuto dirixido por Manolo Codeso, recalará no pavillón de Vista Alegre con 11 puntos na súa cuadrícula e que coa estrea de 2020 está vivindo o seu mellor momento, sumando 6 puntos, ante Xaloc Alicante (2-1) e, a semana pasada, Zaragoza (3-1).
“É un rival cun xogo moi particular, de balóns aéreos. Temos moitas posibilidades de quedar cos tres puntos pero non hai que esquecer que é un derbi, e neste tipo de partidos, con moita emoción, pode pasar de todo. As forzas equilíbranse máis e non podemos contar cun resultado antes de xogar”, advertía a meta Jozi, tras recuperar a solidez defensiva o sábado ante Majadahonda (0-2).
Jozi, porteira do Pescados Rubén Burela: “É un rival cun xogo moi particular, de balóns aéreos. Temos moitas posibilidades de quedar cos tres puntos pero non hai que esquecer que é un derbi e pode pasar de todo”.
A gardamallas das Guerreiras Laranxas falou da importancia de recuperar a solidez defensiva: “Estamos contentas ao recuperar a portería a cero nun partido difícil. Con todo, aínda estamos tratando de volver ter a nosa mellor versión xa que nos últimos encontros custounos. Trátase de seguir traballando para saír do partido totalmente contentas, en todas as facetas”.
Jozi, porteira do Pescados Rubén Burela: “Estamos contentas ao recuperar a portería a cero nun partido difícil. Con todo, aínda estamos tratando de volver ter a nosa mellor versión”.
O cadro de Julio Delgado e Lucas completará a semana de preparación con sesións esta tarde e mañá pola mañá en Vista Alegre. Para o sábado non estarán na convocatoria de novo nin Peque nin Ana Romero, por lesión. Formará parte da lista a meta do Comarcal A Fervenza FSF Lucía Paz.
Sen medo e con moita ilusión
O Cidade de As Burgas afronta o partido con ganas de que salte a sorpresa na Bomboneira e coa mentalidade de que son 40 minutos e nun partido de fútbol sala pode pasar calquiera cousa: “Burela e Futsi son os dous rivais máis destacados da categoría. Temos que tomar este partido como un reto moi bonito. O que máis me gusta é que enfrontarnos a un club como o Burela significa darnos conta de que estamos na mesma categoría que elas”, comentaba Codeso durante a previa.
Manolo Codeso, adestrador do Cidade de As Burgas: “Temos que tomar este partido como un reto moi bonito. O que máis me gusta é que enfrontarnos a un club como o Burela significa darnos conta de que estamos na mesma categoría que elas”.
Sen dúbida será un derbi irmandiño de alta tensión e o adestrador galego das ourensás é consciente de que “vai ser un partido moi complicado e teremos que estar os 40 minutos cunha concentración altísima. Agora mesmo as 12 xogadoras de pista do Burela son dun nivel moi alto”.
Manolo Codeso, adestrador do Cidade de As Burgas: “Vai ser un partido moi complicado e teremos que estar os 40 minutos cunha concentración altísima. Agora mesmo as 12 xogadoras de pista do Burela son dun nivel moi alto”.
As verdes contan coas baixas confirmadas de Iria e Aroa que levan varios partidos no dique seco por lesión. Nespereira está tocada pero depende dela ter minutos. A ex do Pescados Rubén Burela “é unha xogadora moi querida en Burela e ela merécese xogar un partido contra o seu ex equipo”, falaba Codeso da presencia dunha das súas xogadoras máis importantes no derbi irmandiño.
Manolo Codeso, adestrador do Cidade de As Burgas: “Temos que pelear cada balón, traballar e aproveitar as opcións que podamos ter, sen medo e con moita ilusión”.
A liga dá paso á Copa
Tras o enfrontamento galego, as Guerreiras aparcarán a liga para centrarse en cuartos da Copa da Raíña, co desprazamento á pista do Leganés, o sábado 8, ás 19.15 horas (La Fortuna). No regreso da competición regular, o sábado 15, as mariñás repetirán destino e rival, coa xornada 20. “Temos claros os nosos obxectivos. É importante seguir co camiño de vitorias en liga e continuar dando pasos en Copa. Queremos ir a Madrid para clasificarnos para a fase final da Copa. A nosa meta é gañar todo o que vén” apuntaba Jozi.
Jozi, porteira do Pescados Rubén Burela: “É importante seguir co camiño de vitorias en liga e continuar dando pasos en Copa. Queremos ir a Madrid para clasificarnos para a fase final da Copa. A nosa meta é gañar todo o que vén”.
