O Pescados Rubén Burela FS retomou a súa aventura en liga con 4-0 sobre Sala Zaragoza, que chegaba á Mariña cunha xogadora de corazón laranxa, Maite García de la Montaña, pisando Vista Alegre tras cinco anos no Calcio a 5.
Con este resultado, á espera do partido que maña xogará o Atlético Navalcarnero na cancha do Leganés (sextas clasificadas). O Burela colócase líder da clasificación da Primeira División Feminina da RFEF con 13 puntos, un máis cas madrileñas que empatan a 12 puntos co Móstoles ocupando respectivamente a segunda e terceira praza. O Fútbol Sala Femenino Móstoles tamén xoga mañá domingo 31 de outubro. Polo que tamén podería arrebatar o primeiro lugar ás lucenses. No seu caso disputarán a quinta xorada da liga visintando a cancha do Rayo Majadahonda AFAR 4 FSF (quintas clasificadas) ás 20:00 horas, unha hora máis tarde que o At. Navalcarnero.
Logo dun axustado 1-0 ao descanso, as pupilas de Lucas atoparon a fluidez necesaria para facer boas as continuas ocasións e selar a vitoria.
Emilly, nos seus primeiros compases sobre a pista, inaugurou o electrónico no 6 de xogo, cun disparo raso. Responderon as mañas con valentía. Insistiron as de Lucas con dominio e perigo constante sobre a rede de Etayo, moi oportuna.
Nin Leti, tamén nos seus primeiros segundos na pista, nin Elenita, superado o ecuador da primeira parte, o conseguiron. Chegaron ao tempo de descanso as galegas cun goteo incesante e ocasións de ouro de Dany, Cilene e Peque.
Ale de Paz ampliou distancias no inicio do segundo tempo aproveitando un erro de pase de Carmen Alonso ante a presión alta das laranxas. O 3-0 subiu para o Pescados Rubén Burela FS cunha recuperación de Elenita no 29 culminada por Dany.
O Sala Zaragoza FS non baixou os brazos e quixo seguir loitando; a ex das mariñás Maite e Miriam puxeron a proba a rede de Jozi. O conxunto adestrado por Lucas non estaba disposto a ceder nada; tras o perigo visitante Ale de Paz rozou o cuarto estrelándoa contra o traveseiro e Leti non conseguiu rematala, pero segundos despois Cami selou o 4-0 cun man a man ante Etayo, gañándoo no rexeite.
Jenny Santos regresou á pista co Burela tras 11 meses
Na recta final do partido, a lusa Jenny Santos regresaba ás pistas despois de 11 meses lonxe da cancha. Elena Aragón e Lara Balseiro rozaron o quinto, un gol que finalmente non chegaría finalizando o encontro cun 4-0 para as Guerreiras Laranxas do Burela.
FICHA TÉCNICA
4) PESCADOS RUBEN BURELA: Sandra Buzón, Dany, Cami, Bea Mateos e Ale de Paz – quinteto inicial -. Tamén xogaron: Peque, Emilly, Cilene, M. Cortés, Elenita, Jozi Oliveira, Elena Aragón, Jenny e Lara Balseiro.
0) SALA ZARAGOZA FS: Etayo, Boix, Rapha Martins, Maite e Antía – quinteto inicial -. Tamén xogaron: Andreza, Carmen Alonso e Miriam.
GOLES: 1-0, minuto 6, Emilly; 2-0, minuto 22, Ale de Paz; 3-0, minuto 29, Dany; 4-0, minuto 32, Cami.
ÁRBITROS: Menéndez Nistal // Vilas López. Por Zaragoza amarela para Andreza (minuto 25), Carmen Alonso (minuto 27), Antía (minuto 31).
INCIDENCIAS: Partido correspondente á xornada quinta de liga na Primeira División RFEF Feminina disputado na cancha galega de Vista Alegre. Antes do partido, Maite, ex burelista e agora nas filas do Sala Zaragoza, recibía un obsequio por parte do club da Mariña en recoñecemento aos anos nos que defendeu a elástica laranxa.
En los prolegómenos del partido, nuestra jugadora Maite ha recibido, en lo que ha sido su vuelta a Burela, un obsequio por parte de @burelafs como reconocimiento a sus años defendiendo la camiseta del equipo.
📸 Prensa Burela FS#Súmatealailusión#SalaZaragoza ⚽💙🤍 pic.twitter.com/2D6ETL5Lg0
— Sala Zaragoza (@SalaZaragoza) October 30, 2021
