A Supercopa de España de fútbol sala xa ten sede. Será Vista Alegre, en Burela, co Pescados Rubén Burela como anfitrión e defensor do título que acadou no 2019 en Las Rozas. O partido, que enfrontará ás vixentes campioas de Copa da Raíña e Liga coas subcampioas de Copa, o Poio Pescamar FS, celebrarase o sábado, 9 de xaneiro, ás 12:00 horas.
Despois da igualada final da II Copa, celebrada o pasado 20 de decembro, as galegas volven a verse as caras para lograr encher o seu palmarés cun título nacional.
Esta non é a primeira vez que Burela convértese na sede dunha final. A Real Federación Española de Fútbol xa escollera a localidade da Mariña no 2011 e 2014 para a Copa de España e en 2019 para a primeira edición da Copa da Raíña. A loita pola consecución deste título será retransmitida por Teledeporte.
Burela e Poio xogarán antes da Supercopa os 16º de final da Copa
Antes desta final, as Guerreiras Laranxas deberán enfrontarse ao ENCE Marín en dieciseisavos de final de Copa o próximo 4 de xaneiro. O equipo de Marín ven de eliminar ao Viaxes Amerelle e esta fase será o estreo nesta edición do Burela.
Pola súa parte, o Poio tamén coñece xa ao seu rival, que será o Ourense Envialia, que eliminou na fase anterior ao Cidade das Burgas no derbi ourensán.
Os equipos galegos xa coñecen os seus próximos rivais de Copa
