O 2020 aínda non rematou para o Pescados Rubén Burela e a próxima fin de semana deberán disputar o encontro aprazado da segunda xornada de Primeira División do Fútbol Sala ante o Intersala Promesas, por un positivo nas de Zaragoza. Será o domingo 27 ás 12:00 horas no Pavillón de Vista Alegre.
As Guerreiras Laranxas aínda seguen de celebración. Tras colocarse como líderes do Grupo B pase o que pase neste duelo, as xogadoras do Burela revalidaron o seu título da Copa da Raíña ante o Poio Pescamar.
O Burela revalida o título de campión da Copa da Raíña de Fútbol Sala
No relativo á competición ligueira, as da Mariña chegan en plena forma. Con sete partidos disputados, as galegas ocupan o liderato con 19 puntos, dous máis que o segundo, o Torreblanca Melilla, que leva un encontro xogado máis.
Precisamente esta foi a última vítimas das laranxas. Cun 1-2 no marcador, as galegas lograron impoñerse a un dos rivais máis duros do seu grupo e reforzar a boa tempada que están a asinar.
De feito, as do Burela levan catro xornadas seguidas sen coñecer a derrota. Na quinta xornada non puideron gañar por ter fin de semana de descanso, pero ata entón sumaban varias vitorias e só un empate, contra o Móstoles.
Varias posicións por debaixo se atopa o Intersala Promesas. No que vai de tempada, as de Zaragoza só conseguiron dous empates que as deixan na oitava posición, a un punto do colista, o Xaloc Alacant. As catalás foron o último rival do Intersala, nun partido que rematou en empate entre dous equipos que loitan por permanecer na categoría.
