O Pescados Rubén Burela perde contra o Atlético Navalcarnero 6-3 deixando escapar así o título de liga na primeira División RFEF Futsal Feminina no curso 2021-22. As Guerreiras Laranxas non puideron proseguir coa súa serie vitoriosa, e foron dobregadas por un Futsi que fixo moi boa eliminatoria global.
O Futsi Atlético Navalcarnero saía na Estación con perigo en ataque. De feito, no minuto 2 de partido xa se adiantaban cunha desafortunada xogada para as laranxas, cun disparo de Ari que rebota en Dany mentres tentaba desvialo. O At. Navalcarnero non se imaxinaba que se ía a delantar tan pronto no marcador neste partido, con todo, Dany un minuto despois, ía empatar cun golazo ao baixar unha pelota na área cunha boa finalización.
Co gol as Guerreiras Laranxas do Burela estaban a xogar mellor, pero o Futsi Atlético Navalcarnero seguía sendo máis agresivo en ataque tendo intencións de anotar. A pesar de ser elas as protagonistas en ataque, a punto estivo de poñer Leti o segundo, cunha acción que termina en poste tras rebañar un balón na área.
Chegados os 10 minutos de primeira parte, o conxunto que adestra Julio Delgado xa acumulaba as cinco faltas, e sacou xogo de cinco con Bea Mateos para tentar rebaixar a presión do Futsi Atlético Navalcarnero e non cometer a sexta falta. Con todo, este risco ía custar o gol ás laranxas, pois tras recuperar un balón Ari ía anotar coa portería baleira no minuto 12. Outra vez ía producir o mesmo feito que no primeiro gol do Futsi, xa que un minuto despois Peque anotaba cun disparo coa dereita para poñer o empate no marcador.
No tramo final da primeira metade, o partido transcorría co mesmo guión, e o Atlético Navalcarnero volvía poñerse por diante no minuto 18 con gol de Anita Luján despois de executar ela soa unha xogada individual. Esta vez o Pescados Rubén Burela tentou reaccionar, pero o gol non entrou e chegaríase ao descanso con vantaxe do Futsi por 3-2.
A segunda parte ía comezar como a primeira, cun Futsi moi incisivo en ataque que en segundos poñíase por diante con gol de Irene Córdoba. O conxunto do Navalcarnero nesta segunda metade ía ser moito mellor que o Pescados Rubén Burela, defendendo, sen ceder practicamente oportunidades en ataque e circulando ben o balón. Ás Guereiras Laranxas custáballes moito profundar, si que tiñan ímpetu por anotar pero faltáballes precisión e claridade.
A expulsión de Bea Mateos no Burela frustra o xogo de cinco
Nos últimos 10 minutos de partido o equipo mariñán volveu sacar xogo de cinco, o cal non ía funcionar porque en cuestión de minutos Bea Mateos foi expulsada por ter que evitar un gol cun agarrón a unha xogadora do Futsi que se ía soa contra a portería.
Con todo, nunha xogada posterior Irene Córdoba ía anotar o quinto aproveitando a vantaxe numérica en pista no minuto 34.
A continuación, tamén foi sancionada con tarxeta vermella Ari, e no minuto 35 Ale de Paz recortaba distancias metendo de cheo ao Pescados Rubén Burela no partido.
Nos minutos finais o equipo galego xogaba de cinco tentando ata o final seguir recortando distancia, pero finalmente iba a anotar o definitivo o Atlético Navalcarnero nos segundos finais, con Irene Córdoba que facía o hat trick, e levaríase o título de Liga tras completar unha moi buena eliminatoria e temporada.
Nuestras #GuerreirasLaranxas lo dieron todo en la pista, pero finalmente no pudo ser.
¡Estamos muy orgullosxs de vosotras!🧡🧡
¡Y por supuesto, muchas felicidades @futsi_atletico por esta Liga!🏆 pic.twitter.com/V42b3ks6zY
— Pescados Rubén Burela FS (@burelafs) June 25, 2022
FICHA TÉCNICA
3) PESCADOS RUBÉN BURELA: Jozi, Dany, Cilene ,Peque, Ale De Paz, -Cinco inicial- Lara Balseiro , Elenita, Bea Mateos, Irene Samper, Jenny, Elena Aragón y Sandra Buzón.
6) ATLÉTICO NAVALCARNERO: Marta Valbuena , Anita Luján, María Sanz, Ari, Irene Córdoba, -Cinco Inicial- Laura Córdoba, Ju Delgado, Ame Romero, Albita , Lorrana, Belén, Becha y Vane Sotelo.
GOLES: Min 2 Ari 1-0; Min 3 Dany 1-1; Min 12 Ari 2-1; Min 13 Peque 2-2; Min 18 Anita Luján 3-2; Min 21 Irene Córdoba 4-2; Irene Córdoba 5-2; Min 35 Ale de Paz 5-3. Min 39 Irene Córdoba 6-3.
EQUIPO ARBITRAL: Barrilero Mohedano, Manuel Jesus (C.T.A.F.S. Madrileño) Bustos Caparros, Carlos Enrique (C.T.A.F.S. Madrileño). Asistente Hernandez Hernan, Marta (C.T.A.F.S. Madrileño). Sancionaron con cartóns amarelos a Andrés Sanz, María Sanz, Becha, e vermella de Ari, polo Futsi e polo Pescados Rubén Burela viron cartóns amarelos a Jenny, Ale de Paz e vermello Bea Mateos.
INCIDENCIAS: Partido correspondente á xornada de volta da final polo título de play-off de Primeira División RFEF Futsal Femenina, disputado no pavillón La estación.
