- Paso adiante do Pescados Rubén Burela FS para erguer o trofeo de campión da Supercopa de España de futsalfem ao vencer na primeira semifinal da Final Four de 2023 nada menos que ao Futsi Atlético Navalcarnero e por un tanteo de 5-3.
O Pavillón de Vista Alegre en Burela vístese de gala esta fin de semana para acoller a recta final da Supercopa de España de fútbol Sala feminino 2023.
A Final Four tiña como primeira semifinal o cruce entre as Guerreiras Laranxas do Burela FS e o Futsi Atlético Navalcarnero. Para moita da afección ao cinco contra cinco este cruce era unha final anticipada xa que son os dous conxuntos máis laureados dos últimos anos no futsalfem estatal. O trinfo foi para as galegas por 5-3. Mañá xogarán a final ante o MSC Torreblanca FS que adestra o galego Morenín. As de Melilla venceron ao STV Roldán na súa semifinal.
Un Burela vs Futsi é considerado un clásico no futsalfem español. O partido sabíase complicado para ambas as dúas escuadras antes de que o balón empezase a rodar. Vellas coñecidas, grandes xogadoras, equipos moi traballados e deixando claro na liga que están nun bo momento de xogo. Alguén dá máis? O espectáculo estaba servido.
O Pescados Rubén Burela xogaba na casa, o que é un plus para as da Mariña. Eso si, co adestrador, Julio Delgado na grada, por última vez debido á sanción no encontro ante o Poio Pescamar. Outro factor en contra era que Peque estaba tocada. De feito xogou infiltrada, pero declaraba á Radio Galega antes do partido que non entraba nos seus planes perderse esta Supecopa. Foi da partida, dosificouse e foi, unha vez máis, protagonista anotando un dos goles do partido.
Primeiro minuto, e primeiro gol para o Burela FS
No comezo do partido Emilly Marcondes presionaba ao equipo rival e xeraba unha oportunidade a 30 segundos de arrincar o encontro. O seu disparo supuxo o primeiro gol do partido que acontecía no minuto 1 de xogo. Esta semifinal da Supercopa de futsalfem continou bastante igualado durante toda a primeira parte.
No minuto 4 Patricia era a que contaba con outra oportunidade. E posteriormente, no 5, Caridad salvaba un gol que precedería a outra oportunidade da galega Vane Sotelo (internacional con España e este ano nas filas do Futsi) no minuto 6 que se vai fóra. Presionaba o Futsi Atlético Navalcarnero ás burelenses desde o minuto 5 ata o 7. No mesmo 7 Dany tiña unha oportunidade clarísima que salvaba a porteira Belén.
No 9 pídese o primeiro tempo morto do encontro, e no mesmo minuto Caridad volve ser protagonista tras un tiro de Lora. No 10 Irene Samper case logra encaixar o primeiro gol pero Belén volve ser un muro. A continuación outra oportunidaded do Futsi Atlético Navalcarnero, un tiro longo desde o seu campo que salva Caridad e chega o empate cun gol de Irene Córdoba no minuto 11.
A quendas en oportunidades van sucedéndose durante o encontro. Dany dispuxo doutra ocasión logo dun pase de Jenny e a continuación houbo outra de Peque tras unha grandísima xogada de equipo entre Cilene, Emilly Marcondes, Dany e a capitá do Burela FS.
Acaba a primeira parte con outra do equipo madrileño, pero volvía aparecer, enorme, Caridad. A intervención da cancerbeira galega evitaba o gol. Foi a súa unha das actuacións sobresaíntes e decisivas deste partido.
Segundo acto, festival de goles do Burela FS
Na segunda parte desta semifinal da Supercopa de España de futsalfem comezaba o festival de goles que non chegaban na primeira. Comeza cunha falta perigosa do Futsi Atlético Navalcarnero que vai fóra. No minuto 2 Dany lanza un tiro directo perigoso que tamén se desvía e continúan as oportunidades do Pescados Rubén Burela FS con outras dúas de Peque nos minutos 22 e 23 ata que no 25 atopa o gol subindo o marcador para o conxunto galego 2-1.
No minuto 28 Emilly Marcondes perde outra oportunidade cun tiro a porta baleira, pero Peque volve e mete o 3-1, precedido do 4-1 que consegue Dany cun golazo tras un pase de Irene Samper no minuto 31. Váiselle o encontro das mans ao Futsi Atlético Navalcarnero.
Neste punto do partido o conxunto madrileño recorría ao xogo de cinco para ver de darlle a volta a ese 4-1 que o afastaba da final da Supercopa. Pero o resultado non é o desexado. En lugar de acurtar distancias, o que sucede é que as verdes encaixan o quinto gol froito dun tiro de Emilly Marcondes a porta baleira.
Continúa insistindo ata o final o Futsi Atlético Navalcarnero coa opción de porteira – xogadora e consegue dous goles, un no minuto 36 e outro no 39, o segundo de Irene Córdoba e de Ari, chegando ao final do encontro 5-3 para o equipo galego.
Rematou o encontro coas Guerreiras Laranxas concéntradas en Viveiro cos demais equipos para descansar e prepararse para o encontro de mañá ás 12.00 horas que decidirá quen leva a Supercopa de España de fútbol sala feminino este ano. Na final: Pescados Rubén Burela FS e MSC Torreblanca FS.
FICHA TÉCNICA
5) PESCADOS RUBÉN BURELA FS: Caridad (P), Dany, Cilene, Antía, Emilly – cinco inicial- Peque (C), Claudia, Jeny, Dasha, Irene Samper, Masha, Patricia, Sonya, Jozi de Oliveira (P)
3) ATLÉTICO NAVALCARNERO: Belén (P), Ari, Irene, Ame Romero, Lora – cinco inicial-, Becha, Leti (C), María Sanz, Luchi, Laura, Vane Sotelo, Marta Balbuena (P)
GOLES: Min. 1 Emilly 1-0; min. 11 Irene 1-1; min. 26 Peque 2-1; min. 28 Peque 3-1; min. 31 Dany 4-1; min. 34 Emilly 5-1; min. 36 Irene 5-2; min. 39 Ari 5-3.
EQUIPO ARBITRAL: Rubén Hevia Campa, Noelia Gutierrez Muñoz, Fernando Faubell Zaldívar, Lucía Gómez Rojo.
INCIDENCIAS: Partido correspondente ás semifinais da Supercopa de España de fútbol sala feminino disputado no pavillón de Vista Alegre en Burela.
1. Balón Supercopa de España futsalfem / BURELA FS
Balón Supercopa de España futsalfem / BURELA FS
2. Futbolistas do Burela FS festexando / BURELA FS
Futbolistas do Burela FS festexando / BURELA FS supercopa españa vista alegre futsal futsalfem
3. Caridad, porteira do Burela FS / BURELA FS
Caridad, porteira do Burela FS / BURELA FS supercopa
4. Dany, futbolista do Burela FS / BURELA FS
Dany, futbolista do Burela FS / BURELA FS supercopa españa futsal futsalfem feminina futsi atlético navalcarnero
5. Banco do Burela FS / BURELA FS
Banco do Burela FS / BURELA FS supercopa españa futsal futsalfem feminina
6. Festexo de Emilly Marcondes e Antía Pérez, futbolistas do Burela FS / BURELA FS
Festexo de Emilly Marcondes e Antía Pérez, futbolistas do Burela FS / BURELA FS supercopa españa futsalfem
7. Bancada de Vista Alegre con seareiras do Burela FS, na Supercopa de España futsalfem 2023 / BURELA FS
Bancada de Vista Alegre con seareiras do Burela FS, na Supercopa de España futsalfem 2023 / BURELA FS
8. Vane Sotelo, futbolista galega do Futsi Atlético Navalarnero, tras Jenny, do Burela na semifinal da Supercopa de España futsalfem 2023 / BURELA FS
Vane Sotelo, futbolista galega do Futsi Atlético Navalarnero, tras Jenny, do Burela na semifinal da Supercopa de España futsalfem 2023 / BURELA FS
9. As porteiras do Burela FS, Jozi Oliveira e Caridad, falando / BURELA FS
As porteiras do Burela FS, Jozi Oliveira e Caridad, falando / BURELA FS supercopa
10. Dany, futbolista do Burela FS / BURELA FS
Dany, futbolista do Burela FS / BURELA FS supercopa españa femenina futsalfem futsal
11. Supercopa de España futsalfem / BURELA FS
Supercopa de España futsalfem / BURELA FS
